Penitensiar Xidmət “Azad gənclik” təşkilatının fəalı İlkin Rüstəmzadənin karserə salınması barədə məlumatı təkzib edib.
Penitensiar Xidmətin İctimaiyyətlə Əlaqələr Mərkəzindən Turan-a bildirilib ki, onun hər hansı dəmir alətlə döyülməsi baş verməyib, bu məlumat cəfəngiyyatdır.
Lakin bundan əvvəl İ.Rüstəmzadənin vəkili Nemət Kərimli bildirib ki, o, dəmir çubuqla döyülüb, şərəf və ləyaqəti təhqir edilib.
Vəkil həmçinin bildirib ki, bu barədə BQXK-ya və digər beynəlxalq təşkilatlara məlumat verilib.
Qeyd edək ki, ötən gün Nəsimi Rayon Məhkəməsi İ.Rüstəmzadənin həbs müddətini daha 2 ay uzadıb. Buna onun dənizkənarı bulvarda keçirilən “Harlem Shake” fleş-mob haqqında videonu Youtube-da yerləşdirməsi səbəb olub. Bununla bağlı İ.Rüstəmzadəyə qarşı xuliqanlığa görə cinayət işi qaldırılıb. 16D04-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz