Ailə NET-in yay kampaniyası

  Ailə NET internet provayderi 15 maydan 15 avqusta kimi minimum internet qoşulmanın sürətini 8 mb/s-ə qaldırır. Bu zaman aylıq abunə haqları dəyişməz qalacaq.

Şirkətin press-relizində deyilir ki, Ailə NET abunəçiləri 5 mbit/s əvəzinə 8 mbit/s-dən 12 mbit/s-dək yüksək sürətli fiber-optik internet xidmətindən istifadə edəcəklər.

Hər gün saat 09:00-dan 01:00-dək abunəçilərə 8 mbit/s, saat 01:00-dan 09:00-dək isə 12 mbit/s sürətli internet xidməti təqdim olunacaq.

Kampaniyadan həm mövcud, həm də yeni qoşulan abunəçilər faydalana bilərlər. Xüsusi tariflərə əsasən Ailə TV abunəçiləri, kampaniya müddəti ərzində təqdim olunacaq 8 - 12 mb/s internetə görə aylıq 13 AZN ödəyəcəklər.

Analoji olaraq, 6; 8; və 10 mbit/s tarif planlarının abunəçiləri aşağıdakı qaydada sürətli internet xidmətindən istifadə edəcəklər: 6 mbit/s əvəzinə – 9-12 mbit/s; 8 mbit/s əvəzinə – 10-12 mbit/s; 10 mbit/s əvəzinə – 12-12 mbit/s

Hazırda Ailə NET abunəçilərə 100 Mbit/s-dək qoşulma təklif edir. Xatırladaq ki, əhatə dairəsini daim genişləndirən Ailə NET, hal-hazırda Bakı şəhərinin Xətai, Nizami, Nərimanov, Binəqədi, Nəsimi, Suraxanı, o cümlədən Hövsan qəsəbəsi, Sabunçu rayonun Bakıxanov qəsəbəsi, Səbail rayonun bir hissəsi, eləcə də Gəncə şəhəri, o cümlədən Yeni Gəncə qəsəbəsində fəaliyyət göstərir. --17D—