- İqtisadiyyat
- 1 Oktyabr 2014, 18:03
- 111
Amerika şirkəti "Şahdəniz mərhələ-2" layihəsi çərçivəsində iki servis müqaviləsi qazandı
"Şahdəniz" konsorsiumu bu gün "Mərhələ 2" işlənmə layihəsinin irəliləyişi çərçivəsində daha iki xidmət müqaviləsinin imzalandığını elan edib.
"BP Azərbaycan" şirkətinin yayadığı məlumatda bildirilir ki, sualtı axın xətlərinin örtüklənməsi və ilkin sualtı ixrac xəttinin örtüklənməsi işlərini əhatə edən bu müqavilələr “Bredero Shaw International B.V.” şirkəti (mənzil qərargahı Hyustonda, Texas ştatı, ABŞ-da yerləşir) ilə imzalanıb.
Müqavilələrin dəyəri təxminən 200 milyon ABŞ dolları həcmindədir.
Örtüklənmə işlərinə 2014-cü ilin sonlarında başlanacaq ki, 2015-cil ilə planlaşdırılan sualtı boru kəmərlərinin inşasının birinci mərhələsi üçün və 2018-ci ilə planlaşdırılan ikinci mərhələsi üçün örtüklənmiş borular təmin olunsun.
Ötən ilin dekabr ayında yekun investisiya qərarı verildikdən bu vaxtadək "Şahdəniz 2" layihələri üzrə işlərdə yaxşı irəliləyiş olub. Ümumilikdə artıq 9 milyard dollar dəyərində əsas mühəndis-layihələndirmə, tikinti və təchizat müqavilələri imzalanıb. Bu müqavilələr üzrə Azərbaycan və Gürcüstandakı əksər tikinti sahələrində ilkin işlər də artıq başlanıb.
Qeyd edək ki, "Şahdəniz Mərhələ 2" layihəsi Xəzər dənizində yerləşən nəhəng "Şahdəniz" yatağından ildə 16 milyard kubmetr qazın hasil edilməsinə və bu qazın təxminən 3500 kilometr uzunluğunda boru kəməri vasitəsilə Gürcüstan, Türkiyə, Yunanıstan, Bolqarıstan, Albaniya və İtaliyaya nəql olunmasına imkan yaradacaq. İlk qazın hasilatı və Gürcüstan və Türkiyəyə satışın başlanması 2018-ci ilin sonlarına nəzərdə tutulub; Avropaya isə ilk qaz təxminən bir il sonra çatdırılacaq.—12D--
-
- İqtisadiyyat
- 1 Oktyabr 2014 17:10
-
- Siyasət
- 1 Oktyabr 2014 18:10
İqtisadiyyat
-
BMT-nin İqlim Dəyişikliyi haqqında Çərçivə Komissiyasının fəaliyyətdə olan maliyyə mexanizmi orqanı və İqlim dəyişikliyi haqqında Paris sazişinin (2015-ci il tarixli) orqanı olan "Yaşıl İqlim Fondu" (GCF) ilk dəfə olaraq Azərbaycanı maliyyə vəsaiti ayıracağı ölkələrin siyahısına daxil edib.
-
Xarici ölkələrin Cenevrədə akkreditə olunmuş 30-a yaxın diplomatik missiyasının rəhbərləri üçün Beynəlxalq Telekommunikasiya İttifaqı (BTİ), Azərbaycan Respublikasının BMT-nin Cenevrə bölməsi yanında Daimi Nümayəndəliyi və Rəqəmsal İnkişaf və Nəqliyyat Nazirliyi tərəfindən «Green Digital Action» t\şəbbüsü üzrə xüsusi brifinq təşkil edilib. O, noyabrda Bakıda COP29 çərçivəsində təqdim olunacaq, deyə Azərbaycanın Rəqəmsal İnkişaf və Nəqliyyat Nazirliyindən bildiriblər.
-
Azərbaycan Beynəlxalq Bərpa Olunan Enerji Agentliyinin (İRENA) Şurasının üzvü kimi bu Şuranın Abu Dabidə (BƏƏ) keçirilən 28-ci iclasında iştirak edib.
-
Rəsmi məlumatlara görə, 2024-cü ilin yanvar-sentyabr ayları arasında Azərbaycanın heyvan və bitki yağlarının idxalı fiziki çəkidə 23,9%, dəyər ifadəsində isə 16,2% artıb. Həcm artımına baxmayaraq, bu məhsulların idxal dəyəri keçən ilin eyni dövrü ilə müqayisədə azalıb; 2024-cü ildə bir ton bitki yağının idxal dəyəri 2023-cü ildəki $1278,6-dan $1199,6-a enərək 6,1% azalıb.
Rəy yaz