Müsavat T.Yaqublu və İ.Məmmədovun ailələrindən gizələdilmələrini pislədi

Müsavat Partiyası partiya başqanının müavini Tofiq Yaqublu və ReAl Hərəkatının sədri İlqar Məmmədovun taleyilə bağlı bəyanat yayıb. 

2013-cü ilin yanvarında İsmayıllıda baş verən hadisələrlə bağlı hər iki şəxsin 1 il 8 aydır ki, həbsdə saxlanılması qanunsuz adlandırılır. Bundan əlavə, bir həftə öncə hər iki şəxsin Şəkidən Bakıya gətirilərək ailə üzvlərindən və ictimaiyyətdən gizli saxlanıldığı nəzərə çatdırılır. “Vicdan məhbuslarının ailələrilə qanunun imkan verdiyi çərçivədə xəbərləşə hüququndan məhrum edilməsi onların işgəncələrə məruz qalması haqda ciddi şübhələr yaradır”, - deyə müəlliflər iddialarını irəli sürürlər. 

Məhkəmə prosesləri yekunlaşan Tofiq Yaqublunun, İlqar Məmmədovun və Yadigar Sadıxovun və eləcə də digər siyasi məhbusların azadlığa çıxmasını bütün ölkə ictimaiyyətinin gözlədiyi nəzərə çatdırılır. Belə halda hakimiyyətin hər iki şəxsi gizli şəkildə saxlaması hiddətə səbəb olan qeyri-humanist addım adlandırılır.

Son olaraq, müəlliflər hakimiyyətə qanunsuz hərəkətlərdən əl çəkmək, T.Yaqublu və İ.Məmmədovun ailəsilə xəbərləşmə hüqunu dərhal təmin etmək çağırışı edirlər. -05D-