Əqli mülkiyyətin müdafiəsi üzrə tədbirlər planı qəbul edilib

2014-2017-ci illər üçün Azərbaycan və Ümumdünya Əqli Mülkiyyət Təşkilatı (WIPO) arasında əməkdaşlıq üzrə Tədbirlər Planı təsdiq edilib, xəbəri Azərbaycan Standartlaşdırma, Metrologiya və Patentlər üzrə Dövlət Komitəsi (SMPDK) yayıb.

Sənəd SMPDK sədri Ramiz Həsənovun sədrlik etdiyi nümayəndə heyətinin sentyabrın 22-30-da Cenevrədə WIPO qərargah mənzilində təşkilata üzv dövlətlər Assambleyasının 54-cü iclasında iştirakı zamanı imzalanıb.

Dövlət Komitəsi tədbirlər planının mahiyyəti haqqında məlumat vermir, lakin WIPO-nun fəaliyyəti bir çox ölkələrdə ixtiraların, əmtəə nişanlarının və ya nümunələrin mühafizəsi üçün tez, təsirli və səmərəli vasitə nəzərdə tutur. Xüsusən, Beynəlxalq Patent Sistemi, Beynəlxalq Əmtəə Nişanları Sistemi, Beynəlxalq Nümunələr Sistemi, mənşə yerlərinin adı, dövlət emblemlərinin mühafizəsi, habeə əqli mülkiyyət sahəsində mübahisələrin tənzimlənməsi, patent idarələri üçün xidmətlər, DAS və CASE sistemləri çərçivəsində təhlükəsiz sənəd mübadiləsi sahəsində.

Ekspertlər qeyd edir ki, Azərbaycanda əqli mülkiyyət hüquqlarına riayət olunmaması aktualdır və Azərbaycanın Ümumdünya Ticarət Təşkilatına daxil olması yolunda maneələrdən biridir.

WIPO əqli mülkiyyət sahəsində siyasət, əməkdaşlıq və informasiya xidmətləri və məsələləri ilə məşğul olan qlobal forumdur və Birləşmiş Millətlər Təşkilatı sisteminin özü-özünü maliyyələşdirən müəssisədir. -0-