"Ansar Leasing" şirkəti bu il kredit portfelini $20 mln-a çatdırmaq istəyir. Bu, ötən ilin sonundakından 5 mln manat və ya 25% çoxdur. Şirkətin baş direktoru Ceyhun Nağıyev Turan-a deyib ki, 6 ayda şirkət portfelini $2 mln və ya 13,3% artıraraq $17 mln-a çatdırıb. Hesabat dövründə $4,4 mln-luq 75 müqavilə bağlanılıb. Aktiv müqavilə sayı 436-dır.
Müqavilələrdə tikinti texnikası, nəqliyyat vasitələri, daşınmaz əmlak və minik avtomobilləri hərəsi 25% paya malikdir.
Şirkətin nizamnamə kapitalı dəyişməyib və 1 iyul üçün 5 mln manat olub.
"Ansar Leasing"in təsisçisi Özəl Sektorun İnkişafı üzrə İslam Korporasiyası 2009-cu ilin ortalarından fəaliyyət göstərir. Bu, Azərbaycanda şəriət prinsipləri ilə fəaliyyət göstərən ilk şirkətdir. O həmçinin iqtisadiyyatın bu seqmentində ən kapitallı şirkətdir. --15B--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz