Aprelin 18-də bir qrup çinli biznesmen bakılı həmkarları ilə görüşəcək

Aprelin 18-də Bakı Biznes Mərkəzində Çin Xalq Respublikasından Azərbaycana gələn bir qrup sahibkarın yerli həmkarları ilə görüşü olacaq. 

Azərbaycanda İxracın və İnvestisiyaların Təşviqi Fondundan (AZPROMO) Turan-a bildirilib ki, görüşdə qida, tikinti, yük avtomobillərinin istehsalı, İKT, infrastruktur, enerji, taxta və taxta məhsullarının emalı, logistika, turizm, media,daşınmaz əmlak, tikinti üçün texnikanın istehsalı və digər sektorların təmsilçiləri, həmçinin dövlət strukturlarının nümayəndələri iştirak edəcəklər.

2012-ci ildə  Azərbaycanla Çin arasında əmtəə dövriyyəsi $816 mln. təşkil edib ki, bu da ötən ildə olduğundan 22,3% çoxdur. Çin mallarının idxalına $632,3 mln. düşür. Bu 2011-ci ildə olduğundan 0,6% çoxdur. 

Azərbaycan ixracının əsas hissəsini xam neft təşkil edir  - 187355,8 ton ($159815,2 min). Həmçinin Çinə polietilen (12,8 min ton, $12369,1 min), yod (97 ton, $3234,6 min) və digər məhsullar satılıb. Çindən Azərbaycana geniş istehlak malları, həmçinin nəqliyyat vasitələri, elektrik malları və avadanlıq, boru, qara metal məmulatları gətirilir. 2012-ci ildə Çindən ümumi məbləği $62,6 mln. 8 ədəd yerqazan maşın və qazma aqreqatı, ümumi məbləği $70,5 mln. olan 5020 tonluq 2257 yük maşını alınıb. 08D