Aptek işbazları manatla cəzalanacaq

Dərman preparatlar vahid tariflərin tətbiqi sahəsində cərimə sanksiyaları ilə bağlı təkliflər hazırlanıb. Cərimələrin üst həddi 50 min manat olacaq.

İqtisadiyyat və Sənaye Nazirliyi Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin rəisi Zahid İsayev bildirib ki, vahid tariflərin tətbiqi araşdırmalara əsaslanır. Satılan dərmanların arasında elələri var ki, baza ölkəsində çox ucuz satılır, burda qiyməti bir neçə dəfə (Turan bu yaxınlarda yazmışdı ki, belə ölkələrin sayı ondur) artırılır.

Onun sözlərinə görə, qiymətlərə tətbiq olunan maksimal 20 faizdir. Ancaq dərmanların qiyməti artdıqca tətbiq olunan faizlər aşağı düşür. Dərmanların qiymətləri sosial əhəmiyyət kəsb edən məsələdir. “Hesab edirik ki, dərmanların qiymətlərində əhəmiyyətli enmələr baş verəcək”.

Tarif Şurasının katibi İlkin Məcidov dərman preparatlarının ucuzlaşacağını anons edib. «10 ixracatçı ölkə məlumdur. İndi əsas məsələ vahid tariflərin tətbiqidir, - onlar İqtisadiyyat və Sənaye Nazirliyi, Tarif Şurası və Səhiyyə Nazirliyinin saytında dərc ediləcək», - deyə məmur bildirib.

Azərbaycanda 4,5 mindən çox dərman preparatı qeydiyyata alınıb. Ona görə ilk növbədə tariflər əsas dərmanlar üzrə müəyyən ediləcək. Tarifi özbaşına dəyişən və ya qablarda qiyməti göstərməyənlər ciddi cəzalandırılacaq, - deyə o bildirib. --17D—