2012-ci ilin on ayında kənd təsərrüfatı məhsulları istehsalı pul ifadəsində 4 363,8 mln manat olub. Bu, müqayisə edilən qiymətlərlə 2011-ci ilin eyni dövründən 5,9% çoxdur, deyə Dövlətstatkomda Turan-a bildiriblər.
Hesabat dövründə bitkiçilik məhsulları istehsalı 6,5%, heyvandarlıq məhsulları istehsalı 5,1% artıb.
Ölkədə ət istehsalı 3,6% artaraq diri çəkidə 387.2 min ton olub. Süd istehsalı sürətlə artır (+5,5%, 1436.3 min ton). 2011-ci il quşçuluq üçün böhranlı olub. Amma bu il sektor canlanıb və yumurta istehsalı 19,5% artımla 1 mlrd təşkil edib.
DSK-ya görə, ÜDM strukturunda aqrar istehsalın xüsusi çəkisi 5,9% təşkil edib.
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz