“Aqrarkredit” bank olmayan kredit təşkilatı Beynəlxalq Banka kreditə görə girov qoyulan üç daşınmaz əmlak obyektinin siyahısını təqdim edib. Kredit vaxtında ödənilməyib, ona görə müsabiqə komissiyası onları açıq hərrac yolu ilə satışa çıxarıb.
“Aqrarkredit”də hərraca çıxarılan obyektlər üzrə məsul şəxs olan Şəmşir Qurbanov Turan-a bildirib ki, hələlik qiymətləndirmə başa çatmayıb və onların hərraca çıxarılma vaxtı təyin edilməyib.
Obyektlərdən biri (Beton ve sement istehsalı, qum-çınqıl karxanasının istismarı zavodu) Gürcüstandadır (Tbilisi şəhəri). Eləcə də investorlara Şəki rayonunda Ət və süd məhsulları istehsalı müəssisəsi və Abşeron rayonunun Novxanı kəndində üzüm emalı və şərab istehsalı müəssisəsi təklif edilir.
Girov obyektlərin satışı barədə qərarı hökumət bu ilin iyulunda qəbul edib. “Aqrarkredit” QSC bir neçə qiymətləndirici şirkət (Pricewaterhouse Coopers Azerbaijan, Deloitte Azerbaijan, Ernst & Young Azerbaijan, RSM Azerbaijan, BDO Azerbaijan, "Koneko Group" MMC, "Nexia EA", "Real Prays" və "VETO Consulting” seçib.
Hərracı üç şirkət təşkil edəcək.
“Aqrarkredit” QSC-nin sərəncamında Beynəlxalq Banka kreditə görə girov qoyulan bir çox obyekt var. Beynəlxalq Bank 5,6 mlrd manatdan artıq məbləğdə aktivləri “Aqrarkredit”in idarəetməsinə verib. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz