Dövlət Neft Fondu "Cənub Qaz Dəhlizi" QSC-nin ikinci qiymətli kağız emissiyasını tam həcmdə alıb. Əqd həcmi $1 mlrd 246 mln 355 mindir. İyulun 23-də Bakı Fond Birjasında baş tutan alqı-satqını Fondun mətbuat xidməti də təsdiq edib.
İstiqrazların dövriyyə müddəti 10 il, gəlirlilik 6 aylıq Libor üstəgəl 1%-dir. Faizlər yarım ildə bir ödəniləcək. Satıcının brokeri “PSG Broker” MMC-dir.
Bu ilin mayında SC eyni şərtlərlə $917 mln 320,8 minlik istiqrazlar yerləşdirib. "Cənub Qaz Dəhlizi" QSC bu ilin fevralında prezidentin sərəncamı ilə “Şahdəniz” qaz-kondensat yatağının istismarının ikinci mərhələsi, Cənubi Qafqaz Boru Kəmərinin genişləndirilməsi, Trans-Anadolu Boru Kəməri və Trans-Adriatik Boru Kəməri layihələrində Azərbaycanın iştirak payını idarə etmək üçün yaradılıb.
Nizamnamə kapitalı $100 mln-dur. İqtisadiyyat və Sənaye Nazirliyi 51%, ARDNŞ 49% səhmə malikdir. 08D
İqtisadiyyat
-
Azərbaycan Dövlət Neft Şirkəti (ARDNŞ) və İtaliyanın Eni SpA şirkəti arasında enerji keçidinə dair Anlaşma Memorandumu imzalanıb. Bu barədə Azərbaycanın İqtisadiyyat naziri Mikayıl Cabbarov “X” sosial şəbəkəsindəki hesabında məlumat verib.
-
Azərbaycanın iqtisadiyyat naziri Mikayıl Cabbarov iyulun 29-da Türkiyənin “Kibar Holding” konqlomeratının sədri Ali Kibar ilə görüşüb. Görüş zamanı ikitərəfli əməkdaşlığın gücləndirilməsi, sənaye istehsalına investisiyaların artırılması və enerji sektorunda tərəfdaşlıqların dəstəklənməsi məsələləri müzakirə edilib.
-
Azərbaycan Respublikasının Nazirlər Kabineti Rəqabət Məcəlləsinin 30.1-ci maddəsində göstərilən ərizə formasını təsdiq edib. Bu qərar Azərbaycan Respublikası Prezidentinin 2023-cü il 2 dekabr tarixli 1051-VIQ nömrəli Fərmanına uyğunlaşdırılması və Rəqabət Məcəlləsinin tətbiqi ilə bağlı normativ tələblərin həllinə yönəlib.
-
Azərbaycan Prezidenti İlham Əliyev 2025-ci ilin yanvar ayından qüvvəyə minəcək Azərbaycan Respublikasının Torpaq Məcəlləsində dəyişiklik edilməsi haqqında fərman imzalayıb. Qanunvericilikdə edilən dəyişikliklər kənd təsərrüfatı torpaqlarının idarə edilməsi və istifadəsinin təkmilləşdirilməsinə, habelə tənzimləmə proseslərinin təkmilləşdirilməsinə yönəlib.
Rəy yaz