ARDNF-dən dövlət büdcəsinə transfertlər aprelin 1-i üçün ümumi mədaxilin 49,3%-i qədər olub
Azərbaycanın dövlət büdcəsi I rübdə 251 mln manat və ya ÜDM-in 2,2%-i kəsirlə icra edilib.
Maliyyə Nazirliyinin məlumatına görə, dövlət büdcəsinin gəlirləri 3 mlrd 938,8 mln manat olub. Bunun 1 mlrd 941,7 mln manatı və ya 49,3% ARDNF-dən transfertlərdir. Vergilər Nazirliyindən dövlət büdcəsinə 1594,8 mln manat vəsait təmin edilib. Dövlət Gömrük Komitəsi proqnoza 100,5 faiz əməl edərək büdcəyə 341,9 mln manat vəsait təmin edib.
2015-cü ilin üç ayında dövlət büdcəsinin xərcləri 4189,8 mln manat icra olunub. İnfrastruktur layihlərinə 911,6 mln manat, sosial layihələrə 507,7 mln manat, Naxçıvan Muxtar Respublikasında həyata keçirilən investisiya layihələrinin maliyyələşdirilməsinə 10,2 mln. manat vəsait sərf edilib.
Dövlət büdcəsi xərclərinin 33,0 faizi və ya 1380,6 mln manatı sosialyönümlü xərclər olub.
Müdafiə xərcləri 24,2%, səhiyyə xərcləri 7% olub. 2015-ci ilin dövlət büdcəsinin gəlirləri 19 mlrd 438 mln manat, xərcləri 21 mlrd 100 mln manat təsdiq edilib. Kəsir 1 mlrd 662 mln manat və ya ÜDM-in 2,8%-I qədər proqnozlaşdırılır. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz