2013-cü ilin I yarısında hava nəqliyyatında sərnişin daşıyanlar sərnişin axını 8,7% artsa da, 16 250 min manat ziyana düşüblər.
Dövlətstatkomun məlumatına görə, 3 aviaşirkətin gəliri (“Azerbaijan Airlines”, “Turan Air” və “Silk Way Business Aviation”) 113 850,6 min manat olub. Bu, ötən ilin eyni dövründəkindən 17,4% çoxdur. Şirkətlərin xərcləri 6,2% artaraq 130,1 mln manat olub.
Azərbaycan aviaşirkətləri korporativ sytlarında statistik və maliyyə hesabatlarını açıqlamırlar. “Azerbaijan Airlines” QSC normativ-hüquqi aktlara görə illik maliyyə hesabatını açıqlamalı olsa da, bu tələbə əməl etmir. 2013-cü ilin I yarısında sərnişin daşımalarının 99,2%-i AZAL-ın payına düşdüyü üçün ziyan da onundur. Şirkət ziyanlı fəaliyyətinin səbəbini heç vaxt açqılamır. Son illər AZAL dövlət zəmanəti ilə bir neçə avialayner alıb. Təyyarələrin pulunun bir hissəsini dövlət ödəyir.
2013-cü ilin I yarısında Azərbaycan aviaşirkətləri 746,5 min sərnişin daşıyıb. Bu ilin 8 ayında sərnişin daşınması 1 120 min nəfər təşkil edib (5,1%), bunun 99,4%-i AZAL-ın sərnişinləridir.
2012-ci ildə hava nəqliyyatında sərnişin daşıyanlar 1,6 mln nəfər daşıyıb (+14,3%), 33,2 mln manat ziyana düşüblər. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz