http://economy.gov.az
Bakı/09.05.17/Turan: "Avropa İttifaqı ölkələrinin Azərbaycanda 1500-dən çox şirkəti fəaliyyət göstərir. Ölkəmizə 15 milyard dollardan çox investisiya yatırılıb".
Avropa İttifaqı-Azərbaycan Parlament Əməkdaşlıq Komitəsinin sədri Sayyad Kərimin başçılıq etdiyi nümayəndə heyəti ilə görüşündə iqtisadiyyat naziri Şahin Mustafayev belə deyib.
İqtisadiyyat Nazirliyinin məlumatına görə, Ş.Mustafayev Avropa İttifaqı ilə birgə həyata keçirilən Tvinninq, TAİEX və s. Proqramlarının əhəmiyyətindən bəhs edib. O, bu ilin iyununda keçirilməsi nəzərdə tutulan Azərbaycan-Avropa İttifaqı biznes forumunun əlaqələrin genişləndirilməsində və əməkdaşlıq perspektivlərinin müzakirəsində əhəmiyyətli olacağını vurğulayıb.
"Bakı-Tbilisi-Qars dəmir yolunun istifadəyə verilməsi nəqliyyat sahəsində Azərbaycanın imkanlarını daha da artırıb. Cənub Qaz Dəhlizi və Bakı-Tbilisi-Ceyhan layihələrinin təşəbbüskarı və əsas iştirakçısı olan ölkəmiz Avropanın enerji təhlükəsizliyində mühüm rol oynayır, nazir bildirib.
Ş.Mustafayevin Aİ təmsilçilərinin suallarını cavablandırdığı bildirilir.
Avropa İttifaqı-Azərbaycan Parlament Əməkdaşlıq Komitəsinin üzvləri Müzakirələr üçün bir neçə gün əvvəl Bakıya səfər ediblər Onları prezident İlham Əliyev də qəbul edib.
Böyük Britaniyadan olan deputat Sayyad Kərim-in başçılıq etdiyi komitə üzvləri ilə görüşdə Avropa İttifaqı - Azərbaycanın əlaqələrinin durumu, perspektivləri müzakirə edilib.
Azərbaycan Avropa İttifaqı ilə əsası 2009-cu ildə qoyulan "Şərq Tərəfdaşlığı" Proqramı çərçivəsində əməkdaşlıq edir.
"Şərq Tərəfdaşlığı" Avropa Birliyinin altı qonşu ölkəsini əhatə edir. Bura Azərbaycan, Gürcüstan, Moldova, Ukrayna, Belarus və Ermənistan daxildir. Bu ölkələrdən Gürcüstan, Moldova və Ukrayna qurumla assosiasiya sazişi imzalayıb.
Ötən il noyabrın 24-də Brüsseldə keçirilən sammitdə Avropa İttifaqı Ermənistanla hərtərəfli və genişləndirilmiş partnyorluq razılaşması (Comprehensive and Enhanced Partnership Agreement - CEPA) adlı sənədi imzalayıb.
Azərbaycanla isə bu istiqamətdə ötən ildən başlayan danışıqlar hələ ki, yekunlaşmayıb.--0--
İqtisadiyyat
-
BMT-nin İqlim Dəyişikliyi haqqında Çərçivə Komissiyasının fəaliyyətdə olan maliyyə mexanizmi orqanı və İqlim dəyişikliyi haqqında Paris sazişinin (2015-ci il tarixli) orqanı olan "Yaşıl İqlim Fondu" (GCF) ilk dəfə olaraq Azərbaycanı maliyyə vəsaiti ayıracağı ölkələrin siyahısına daxil edib.
-
Xarici ölkələrin Cenevrədə akkreditə olunmuş 30-a yaxın diplomatik missiyasının rəhbərləri üçün Beynəlxalq Telekommunikasiya İttifaqı (BTİ), Azərbaycan Respublikasının BMT-nin Cenevrə bölməsi yanında Daimi Nümayəndəliyi və Rəqəmsal İnkişaf və Nəqliyyat Nazirliyi tərəfindən «Green Digital Action» t\şəbbüsü üzrə xüsusi brifinq təşkil edilib. O, noyabrda Bakıda COP29 çərçivəsində təqdim olunacaq, deyə Azərbaycanın Rəqəmsal İnkişaf və Nəqliyyat Nazirliyindən bildiriblər.
-
Azərbaycan Beynəlxalq Bərpa Olunan Enerji Agentliyinin (İRENA) Şurasının üzvü kimi bu Şuranın Abu Dabidə (BƏƏ) keçirilən 28-ci iclasında iştirak edib.
-
Rəsmi məlumatlara görə, 2024-cü ilin yanvar-sentyabr ayları arasında Azərbaycanın heyvan və bitki yağlarının idxalı fiziki çəkidə 23,9%, dəyər ifadəsində isə 16,2% artıb. Həcm artımına baxmayaraq, bu məhsulların idxal dəyəri keçən ilin eyni dövrü ilə müqayisədə azalıb; 2024-cü ildə bir ton bitki yağının idxal dəyəri 2023-cü ildəki $1278,6-dan $1199,6-a enərək 6,1% azalıb.
Rəy yaz