Avtonəqliyyat vasitəsi sahiblərinin mülki məsuliyyətinin icbari sığortası üzrə polislər yalnız elekton formada veriləcək
Noyabrın 1-dən Azərbaycanda avtonəqliyyat vasitəsi sahiblərinin mülki məsuliyyətinin icbari sığortası üzrə polislər yalnız elekton formada veriləcək.
Turan-ın məlumatına görə, bu barədə İcbari Sığorta Bürosunun (İSB) icraçı direktoru Elxan Quliyev bu gün keçirdiyi mətbuat konfransında bildirib.
Noyabrın 1-ə qədər satılmış kağız daşıyıcılarında olan sığorta məhsulları müqavilə müddətinin sonuna qədər qüvvədə olacaq, - deyə E.Quliyev bəyan edib.
Onun sözlərinə görə, Büronun informasiya sistemi Hökumət Ödəniş Portalı ilə inteqrasiya olunacaq.
Əgər sığorta şirkətinin saytında onlayn satış təşkil edilibsə, birbaşa müqavilə əldə etmək olar. Vətəndaş öz məlumatlarını daxil edərək sığorta məhsulunu onlayn rejimdə sifariş edəndən sonra onun mobil telefona müvafiq kod SMS yolu ilə göndəriləcək. Həmin kod əsasında poçt şöbələrində, banklarda, “Expresspay” terminallarında sığorta haqqı ödəniləcək və yalnız bundan sonra icbari sığorta müqaviləsi qüvvəyə minəcək”, - deyə E.Quliyev vurğulayıb. 71D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz