AYİB azərbaycanlı məsləhətçilərə biznesin idarə olunması üzrə bacarıqlarını təkmilləşdirməkdə yardım edir

Azərbaycandan olan on beş konsaltinq şirkəti 3-5 dekabr tarixlərində Avropa Yenidənqurma və İnkişaf Bankı (AYİB) tərəfindən təşkil edilən və Avropa İttifaqı tərəfindən maliyyələşdirilən üç günlük seminarda iştirak edirlər.

Təlim məsləhətçilər üçün konsaltinq biznesinin idarə olunması, Azərbaycanda yerli məsləhətçilər üçün imkanların yaradılması və onlar tərəfindən yerli şirkətlər üçün təmin edilən xidmətlərin keyfiyyətinin yüksəldilməsi kimi məsələləri əhatə edir. Kurs Sankt Peterburqdan olan təlim müəllimi Vladimir Çernyavski tərəfindən AYİB Kiçik Biznesə Dəstək komandası ilə sıx əməkdaşlıq şəraitində keçirilir.

AYİB Kiçik Biznesə Dəstək komandası Azərbaycanın yerli məsləhətçiləri ilə işləyərək onların bilik və təcrübələrini artırır, kiçik və orta bizneslər üçün keyfiyyətli layihələr həyata keçirmələrinə yardım edir və onların ixtisas sahələrini genişləndirir.

“İdarəetmə mövzusunda təlim məsləhətçilərin öz bizneslərini möhkəmləndirmələrinə və kiçik və orta bizneslər üçün daha yaxşı xidmət göstərmələrinə yardım edəcək,” deyə AYİB Kiçik Biznesə Yardım komandasının Proqram Meneceri Lalə Rzayeva bildirir.   

Seminar sayəsində məsləhətçilər öz biznesləri üçün baxış və strategiyalarını müəyyən edəcək, təşkilati problemləri başa düşmək və cavablandırmaq üçün bacarıqlrını möhkəmləndirəcək, idarəetmə sahəsində qabaqcıl təcrübəni öyrənəcək və iştirakçıları idarəetmə vasitələri və praktik metodlarla təmin edəcək. Seminar məsləhətçilər üçün ixtisaslaşmış təlim kurslarının tərkib hissəsini təşkil edir ki, burada onlar effektiv və təsirli konsaltinq xidmətləri, eləcə də, uğurlu konsaltinq biznesi üçün ilkin bacarıqlara, resurslara v əmetodlara yiyələnəklər. 

Avropa İttifaqı və AYİB tərəfindən maliyyələşdirilən seminar Azərbaycanda kiçik və orta müəssisələrə yardım etmək üçün sürətlə inkişaf edən konsaltinq bazarının yaradılması məqsədi daşıyan davamlı səylərin tərkib hissəsidir. 1993-cü ildə Azərbaycanda fəaliyyətə başladıqdan etibarən AYİB 700-dən çox müəssisəninin inkişaf etmək üçün konsaltinq bacarıqlarına yiyələnməsinə yardım etmişdir. Avropa İttifaqı 2003-cü ildən bəri bu fəaliyyətləri dəstəkləmək üçün 3.7 milyon Avro yardım etmişdir.