"MERCURY İNVESTMENT AND HOLDİNGS LTD" şirkəti nominal dəyəri $250 mln olan faizli sənədsiz adlı təmin edilməmiş istiqrazlarının ikinci partiyasını buraxıb. Beləliklə, Azərbaycanda az tanınan şirkətin borc qiymətli kağızlar portfeli $450 mln-a çata bilər.
15 iyul 2013-cü il tarixdə Azərbaycan Respublikasının Qiymətli Kağızlar üzrə Dövlət Komitəsi tərəfindən "MERCURY İNVESTMENT AND HOLDİNGS LTD" şirkətinin qapalı yerləşdirmə üsulu ilə yerləşdiriləcək hər birinin nominal dəyəri 100 ABŞ dolları olan istiqrazlarının buraxılışını dövlət qeydiyyatına alıb.
Demək, bu qiymətli kağızlar ya təsisçi, ya da strateji investor tərəfindən alınacaq.
Ötən ilin avqustunda $200 mln məbləğində ilk emissiya qeydə alınmışdı. QKDK-da Turan-a bildiriblər ki, şirkət Men adasının hüquqi şəxsidir. AR kommersiya hüquqi şəxslərin reyestrində onun haqda məlumat yoxdur. Şəbəkədə məlumat var ki, 2005-ci ilin noyabrında təsis edilib və 2010-cu ilin mayında buraxılıb.
Azərbaycan miqyasında bu böyük məbləğin haraya qoyulduğu və şirkətə kimin nəzarət etdiyi açıq qalır. Ötən il QKDK-da Turan-a bildiriblər ki, istiqrazlar 2027-ci ildə ödəniləcək. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz