Mətbuat Günündə bir qrup jurnalist həmkarlarının məzarlarını ziyarət ediblər

 Reportyorların Azadlıq və Təhlükəsizlik İnstitutu, Media Hüququ İnstitutu, Turan İnformasiya Agentliyi və “Azadlıq” qəzetinin bir qrup əməkdaşı Milli Mətbuat Günü münasibətilə Azərbaycan mətbuatının banisi Həsən bəy Zərdabinin, müasir müstəqil mətbuatın yaradıcılarından biri Nəcəf Nəcəfovun, “Monitor” jurnalının baş redaktoru Elmar Hüseynovun və Qarabağda həlak olan jurnalistlərin məzarlarını yad ediblər.

Turan agentliyinin direktoru Mehman Əliyev qeyd edib ki, azad medianı dəstəkləyənlərin sayı azalsa da söz azadlığı qalib gələcək. E.Hüseynovun məzarı önündə çıxış edən M.Əliyev əmin olduğunu bildirib ki, tezliklə ölkədə böyük dəyişikliklər baş verəcək. “Bu gün media azadlığı uğrunda mübarizə aparanların məzarını yad etməklə biz ictimaiyyətə mesaj göndəririk ki, ölkədə hələ də azad mətbuata sadiq insanlar var. Media azadlığı uğrunda mübarizə davam edir”, - M.Əliyev vurğulayıb.

Onun fikrincə, 1999-cı illərdə azad media daha da irəliləyib və ictimai rəyə, hadisə və proseslərin inkişafına təsir göstərib. Bir neçə il əvvəl Mətbuat Günündə həmkarlarımızın məzarına bizimlə birlikdə onlarla “media kapitanı” gəlirdi, indi onlar başqa tədbirlərə gedirlər. Belə olan şəraitdə mübarizə aparmaq çətindir, lakin şərəflidir. Azadlıqdan qiymətli heç nə ola bilməz, xüsusən də yaradıcı adamlar üçün. Bu yüksək dəyərdir  və onu nə mənzil açarı, nə də başqa mükafatlar əvəz edə bilməz”, - İ.Əliyev bildirib.

“Azadlıq” qəzetinin şərhçisi Seymur Həziyev qeyd edib ki, 19-cu əsrin sonlarında, 20-ci əsrin əvvəllərində böyük maarifçilər Zərdabinin və Mirzə Ələkbər Sabirin söz azadlığı haqqında söylədikləri bu gün də aktualdır.

E.Hüseynovun qətlindən sonra bəzi həmkarlar hakimiyyətlə sövdələşməyə gediblər.

“Hazırda bu sövdələşmə başa çatıb, azad medianı dəstəkləyən fədakar jurnalistlərin sayı stabilləşib”, - S.Həzi vurğulayıb.

RATİ-nin direktoru Emin Hüseynov Qarabağda həlak olan jurnalistlərin məzarı önündə çıxış edərək bildirib ki, jurnalistlər yalnız söz azadlığı uğrunda mübarizə aparmırlar, həm də Vətənin azadlığı uğrunda döyüşürlər. Onlar həqiqətin insanlara çatdırılması üçün həyatlarını qurban veriblər.

Jurnalistlər Zərdabinin məzarı yanında onun nəslinin nümayəndələri ilə görüşüblər Onlar hakimiyyətin Zərdabi irsinə münasibətindən narazılıqlarını bildiriblər.

“Zərdabının həyat yoldaşı, Bakı qızlar gimnaziyasına rəhbrlik etmiş Həmidə xanım mərhumun yanında dəfn olunub. İndiyədək onun qəbirüstü abidəsi yoxdur. Bakıda Zərdabiin abidəsi yoxdur”, - maarifçinin nəvəsi, 30 il yataqxanada  yaşayan Səttar Zərdabi bildirib.03C-