AZAL beynəlxalq uçuşları Mədəniyyət və Turizm Nazirliyi ilə razılaşdıracaq

Mədəniyyət və Turizm Nazirliyi və “Azərbaycan Hava Yolları” QSC təmsilçilərinin iştirakı ilə yaradılan birgə işçi qrup bir neçə məsələ üzrə razılıq əldə edib. Hesab edilir ki, bu, ölkəyə turist axının artması ilə nəticələnəcək. Yaxın müddət ərzində ortaq fəaliyyət planın həyata keçirilməsi üzrə sənədin imzalanması nəzərdə tutulub.

AZAL turizm şirkətləri ilə birgə seçilmiş ölkə üzrə bayram və tətil günləri nəzərə alınmaqla, birgə fəaliyyət çərçivəsində müvafiq aşağı büdcəli tur paketlər  hazırlayacaq. Bu zaman həmin ölkələrin spesifikası, turistlərin səyahət tendensiyaları, onların qərar qəbul etmə xüsusiyyətləri nəzərə alınacaq. AZAL və    
 Mədəniyyət və Turizm Nazirliyi bu istiqamətin ortaq şəkildə təbliğini aparacaq

2016-cı ildə gəlmə turizm baxımından Azərbaycan üçün prioritet hesab olunan ölkələrin turizm sənayesi və kütləvi informasiya vasitələrinin nümayəndələri üçün ölkəmizə 20-dən artıq tanışlıq səfərinin birgə həyata keçirilməsi planlaşdırılır.

Hər iki struktur bir sıra xarici ölkələrdə ortaq reklam və marketinq fəaliyyəti  həyata keçirəcək.

Mədəniyyət və Turizm Nazirliyində hesab edirlər ki, Rusiya Federasiyası, Qazaxıstan, Ukrayna, Türkiyə, Böyük Britaniya, Almaniya, Fransa, İtaliya, ABŞ, İsrail, Çin və Körfəz ölkələrini prioritet hesab edirlər. AZAL bu istiqamətlərin hamısına müntəzəm reyslər həyata keçirir. 08D