“Azərbaycan Hava Yolları” ” Qapalı Səhmdar Cəmiyyəti (AZAL) Bakı-Antalya-Bakı, Bakı-İstanbul-Bakı, Bakı-Moskva-Bakı və Bakı-Dubay-Bakı istiqamətləri üzrə özünün aşağı büdcəli sərnişindaşıma xəttini yaradacaq. Bakı-Antalya-Bakı reysi bu ilin avqustundan başlayaraq həftədə 3 dəfə, Bakı-İstanbul-Bakı istiqamətində uçuşlar bu ilin sentyabrından etibarən hər gün 1 dəfə, Bakı-Moskva-Bakı istiqamətində uçuşlar bu ilin oktyabrından hər gün 2 dəfə, Bakı-Dubay-Bakı istiqamətində uçuşlar isə oktyabrdan başlayaraq hər gün 1 dəfə həyata keçiriləcək.
Bu barədə AZAL rəhbərlərinin iyulun 22-də keçirilən mətbuat konfransında bildirilib.
“Lou-kost” uçuşları (aşağı büdcəli sərnişindaşıma xətti) “Embraer” təyyarəsi ilə həyata keçiriləcək və bu aviareyslər birtərəfli 2,5 saatlıq uçuşlarda müəyyən edilmiş istiqamətlər üzrə təşkil olunacaq.
Şirkətin Sərnişin Aviaşirkətinin direktoru Eldar Hacıyev deyib ki, AZAL 2006-cı ildən avrozonaya daxil edildiyindən qiymətlər avro ilə hesablanır.
“Buna görə, “lou-kost” uçuşlar üçün qiymətlər avro ilə hesablanacaq. 99 avroluq qiymət 2 saat yarım gəliş və 2 saat gediş olan uçuşlar üçündür. Turoperatorlar da avqustun 1-dən bu sistemdən istifadə edə biləcək”.
E.Hacıyevin sözlərinə görə, “lou-kost” uçuşlardan istifadə edən sərnişinlər 5 kiloqram əl yükü götürə biləcəklər.
“İyirmi üç kiloqrama qədər olan baqajlar üçün 50 manat ödəniləcək. Türkiyədən Bakıya uçan sərnişinlər isə baqaj üçün 50 ABŞ dolları ödəməli olacaqlar”, deyə o qeyd edib.
Direktor bildirib ki, hər bir aviareysin maya dəyəri var, maya dəyərindən aşağı uçuş həyata keçirməyin mənası yoxdur.
“Son illərdə bir çox marşrutlar açmışıq, amma AZAL hazırda həyata keçirdiyi 20%-lik endirimlərə görə ola bilsin ki, bəzi istiqamətlərə olan uçuşları bağlamalı olacaq. Çünki ziyanla işləyəcək".
Eldar Hacıyev şirkətin müxtəlif digər xərclərinin olduğunu da diqqətə çatdırıb.
"Bu xərclər tək burada deyil, xaricdə də çəkilir. Xaricdə avro-dollar fərqini kompensasiya etmək, hava məkanından istifadəyə görə ödəniş, yəni ümumilikdə bütün bu və digər xərcləri ödəmək üçün qiymətlər müvafiq olmalıdır. Endirimlər İqtisadiyyat və Sənaye Nazirliyinə də təqdim edilib".
Onun sözlərinə görə, ümumilikdə 99 avrodan aşağı qiymət hava yolu ilə bir şəhərdən başqa şəhərə getmək xərclərini qarşılamır.
“106 yerlik tutuma malik olan "Embraer" təyyarəsində 100 nəfərdən aşağı sərnişin olarsa, həmin təyyarənin xərclərini belə ödəmir, amma bu gün belə bir tələbin olduğunu nəzərə alaraq biz bunu etdik”, deyə o qeyd edib. -03B-
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz