Azərbaycan banklarının depozit resursları iyulda da azalıb

2012-ci ilin iyulunda Azərbaycanın kredit təşkilatlarında depozit və əmanət həcmi 35,2 mln manat və ya 0,4% azalaraq 9668,7 mln manat olub. Son 12 ayın dördündə azalma olub və bu göstərici ümumilikdə 1322,9 mln manat və ya 15,9% artıb. 

Hesabat ayında təkcə valyuta vəsaitləri artıb. Valyuta vəsaitlərinin həcmi 5241 mln olub, bankların ümumi depozit portfelində onların payı 54,2%-dək artıb. Bir il əvvəl bu göstərici 57,3% idi. 

Avqustun əvvəli üçün fiziki şəxslər banklarda 4415,2 mln manat əmanət saxlayıb. Bu, ümumi göstəricinin 45,7%-dir (bir ay əvvəl 45,1%). 

Fiziki şəxslərin qısamüddətli əmanətləri 19,8 mln manat və ya 0,7% artaraq 2788,7 mln manat, uzunmüddətli əmanətləri 22,8 mln manat və ya 1,4% artaraq 1626,5 mln manat olub. 

İyulda təkcə tələb edilənədək əmanətlər artıb. Onların ümumi həcmi 3489,2 mln manata çatıb. Müddətli əmanətlər 6179,6 mln manatadək və ya ümumi göstəricinin 63,9%-dək azalıb. 

Azərbaycan Mərkəzi Bankının məlumatına görə, manat depozitləri və əmanətləri üzrə orta dərəcə iyulda 0,03 f.b. artaraq 10,36%, xarici valyuta ilə əmanətlərdə 0,02 f.b. azalaraq 10,77% olub. Hesabat ayında manat depozitləri əhalidən orta hesabla illik 10,67%, valyuta depozitləri 10,98%-lə qəbul edilib. Hüquqi şəxslər üçün bu göstərici 7,01% və 4,44% olub. --15B--