![Azərbaycan Beynəlxalq Bankı investorlardan 100 mln. manat cəlb edir](https://turan.az/resized/./turan-750-500-resize.webp)
Azərbaycan Beynəlxalq Bankı investorlardan 100 mln. manat cəlb edir
Qiymətli Kağızlar üzrə Dövlət Komitəsi martın 11-də “Azərbaycan Beynəlxalq Bankı” ASC-nin səhmlərindən ibarət emissiya prospektini (EP) qeydiyyata alıb. Səhmdarların bu ilin 28 yanvar tarixli qərarına əsasən, bank səhmdarlardan və arzu edən investorlardan nizamnamə kapitalını artırmaq üçün 100 mln. manat cəlb edir.
Hər birinin nominal dəyəri 27 qəpik olan 370 mln. 370 min 371 ədəd səhm buraxılıb. Emissiya başa çatdıqdan sonra bankın nizamnamə kapitalı 690 mln. 192,3 min manat təşkil edəcək.
Bakı Fond Birjası tərəfindən elan edilmiş EP-yə əsasən, səhmlərin yerləşdirilməsi ən çox 3 ay vaxt aparacaq. Bu zaman mövcud səhmdarların nizamnamə kapitalına mütənasib səhmlər almaq hüququna malikdirlər.
2013-cü ildə ABB qarşıda duran 4 ildə nizamnamə kapitalının 500 mln. manat artırılması strategiyası qəbul edib. Bu strategiya çərçivəsində artıq 300 mln. manat cəlb edilib.
Hazırda dövriyyədə bankın 2 mlrd. 185 mln. 897 min 450 ədəd səhmi var. Maliyyə Nazirliyinin şəxsində dövlət ABB səhmlərinin 51,07%-nə malikdir.
2013-cü ilin yekunlarına görə, 14 mln. 652,1 min manat məbləğində mənfəət səhmdarlar arasında dividend şəklində paylanıb. Bundan başqa, 2013-cü ilin gəlirləri hesabına 2014-cü ilin oktyabrında ABB-nin nizamnamə kapitalının artırılmasına 21 mln. 858,9 min manat ayrılıb: Səhmin nominal dəyəri 26 qəpikdən 27 qəpiyə qədər yüksəldilib.
Bu il martın 2-nə olan məlumata görə, ABB-nin hökumət, Mərkəzi Bank, yerli kommersiya bankları, xarici borclar qarşısında öhdəlikləri 5 mlrd. 333 mln. manat olaraq dəyərləndirilir. Bunun 500 mln. dolları “Citi Bank London”dan əldə edilmiş Avrobondların payına düşür (ödəmə müddəti – 11 iyun 2019).
Qeyd edək ki, ABB 1992-ci ildən fəaliyyət göstərir. “Azərbaycan Beynəlxalq Bankı” ASC qrupunun tərkibinə Gürcüstan və Rusiyada törəmə banklar, sığorta, lizinq və prosessinq şirkətləri və digər kommersiya qurumları da daxildir. 08D
-
- İqtisadiyyat
- 12 Mart 2015 14:49
-
- Siyasət
- 12 Mart 2015 15:02
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz