Azərbaycan biznesmenləri yenə Aktauya gedir

Azərbaycanda İxracın və İnvestisiyaların Təşviqi Fondu (AZPROMO) Qazaxıstanın Aktau şəhərində Qazaxıstan-Azərbaycan biznes forumunun keçirilməsini planlaşdırır. Məqsəd Azərbaycanda istehsal olunan məhsulların ixracının genişləndirilməsidir.

İki ölkənin işgüzar dairələrinin əvvəlki görüşü ötən ilin iyununda iqtisadiyyat və sənaye naziri Şahin Mutafayevin səfəri çərçivəsində baş tutmuşdu. Foruma sənaye, qida emalı, kənd təsərrüfatı, tikinti, turizm və digər sahələrdə fəaliyyət göstərən iş adamları qatılmışdı.

Azərbaycan Qazaxıstanın qərb regionlarında logistika mərkəzləri yaratmaq istəyir. Rəsmi məlumata görə, Qazaxıstanın qərbində Azərbaycan kapitallı 46 müəssisə, Azərbaycanda 37 Qazaxıstan şirkəti işləyir.

Bu ilin fevralında Qazaxıstanın Manqistau vilayətindən 20 sahibkardan ibarət nümayəndə heyəti Bakıya gəlmişdi.

Bu il iki ölkə arasında ticarət dövriyyəsi azalıb. Azərbaycan gömrüyünün məlumatına görə, bu ilin 5 ayında Azərbaycandan Qazaxıstana ixracat ($14,6 mln) 36,5% azalıb. Qazaxıstandan Azərbaycana idxal ($118,3 mln) 5,3% azalıb.

Azərbaycan Qazaxıstana meyvə və tərəvəz, mis konsentratı, neft boruları ixrac edir. Qazaxıstandan taxıl, metal prokatı alır. 08D