Baş nazir İrakli Qaribaşvili Batumidə keçirilən biznes-forumda bildirib ki, Gürcüstan, Azərbaycan və Türkiyənin regionu Şərq və Qərb arasında mühüm oyunçuya çevirmək üçün kifayət qədər potensialı var, xəbəri “Pirveli” agentliyi yayıb.
İrakli Qaribaşvilinin bəyanatına görə, Gürcüstan üçün regionda əsas oyunçuların ölkədə layiqincə təmsil olunması vacibdir. “Gürcüstan üçün Türkiyə və Azərbaycan əsl dost dövlət, əsas strateji tərəfdaşımızdır və biz həmişə dostluq münasibətlərimizin daha da dərinləşdiyini qeydə alırıq”, deyə baş nazir forumda bildirib.
“Şəxsən mən bizim dünyanın biznes-sektorunun müxtəlif qabaqcıl mövqelərində olan belə güclü tərəfdaşlarımız olması ilə fəxr edirəm. Son illər, demək olar ki, Gürcüstan, Azərbaycan və Türkiyə arasında qarşılıqlı iqtisadi münasibətlərdə ən məhsuldar dövrdür. Əminəm ki, gələcəkdə bu təmayüllər qorunub saxlanacaq və əməkdaşlığımız daha maraqlı və uğurlu layihələrin həyata keçirilməsinə şərait yaradacaq”, deyən Qaribaşvili qeyd edib ki, Gürcüstancazibədar investisiya mühiti yaratmaq üçün səylərini əsirgəmir.
“Əminəm ki, ölkələrimiz – Gürcüstan, Azərbaycan və Türkiyə bütün regionu Qərb və Şərq arasında iqtisadi münasibətlərdə mühüm oyunçuya çevirmək üçün kifayət qədər potensiala malikdir”, deyə o bildirib. -06D-
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz