Azərbaycan Qaz İxrac edən Ölkələr Forumunda müşahidəçi olacaq

Noyabrın 21-də Qaz İxrac edən Ölkələrin energetika nazirlərinin Forumunda (GECF) bu qurumun baş katibi vəzifəsinə növbəti iki il müddətinə İranın nümayəndəsi Hosseyn Adeli seçilib. O, 1 yanvar 2016-cı ildən vəzifəsini icra etməyə başlayacaq.

Bəyannamədə deyilir ki, Azərbaycan Qaz İxrac edən Ölkələr Forumunda müşahidəçi olacaq.

Nazirlərin 18-ci görüşü 17 noyabr 2016-cı ildə keçiriləcək.

Bu gün Tehranda keçirilən 3-ü sammitdə dünya enerji daşıyıcı bazarındakı vəziyyət müzakirə ediləcək.

18 dövlətin təmsilçilərinin iştirak etdiyi Qaz İxrac edən Ölkələr Forumu bu ölkələr üçün mühüm əhəmiyyət kəsb edəcək və  qəbul edilən qərarlar onların iqtisadi perspektivinə güclü təsir edəcək.

Qeyd edək ki, Qaz İxrac edən Ölkələr Forumu 2001-ci ildə Tehran şəhərində yaradılıb. 2008-ci ildə Moskva şəhərində hüquqi olaraq təsis edilib. Təşkilatın mənzil-qərargahı 2009-cu ildən Qətərin paytaxtı Doha şəhərində yerləşir. Forumun 12 əsas (Əlcəzair, Boliviya, Misir, Ekvatorial Qvineya, İran, Liviya, Nigeriya, Qətər, Rusiya, Trinidad və Tobaqo, Venesuela və BƏƏ) və 6 müşahidəçi (Qazaxıstan, Hollandiya, Norveç, İraq, Oman və Peru) üzvü var. Təşkilatın mənzil-qərargahı 2009-cu ildən Qətərin paytaxtı Doha şəhərində yerləşir. –0--