Azərbaycan qazı Cənub-Şərqi Avropaya çata bilər

Transadriatik qaz kəməri Cənub-Şərqi Avropaya da qaz tədarükü təmin edə bilər, Belçikanın Fluxys şirkətinin icraçı direktoru Valter Piraer Natural Gas Europe-ya müsahibəsində belə deyib.

Fluxys TAP-da 19% payı oln şirkətdir.

"ТАР İtaliyaya əlavə qaz təmin edəcək və bu həcm ölkənin şəbəkəsi vasitəsilə şimala, İsveçrə və Almaniyaya verilə bilər", - deyə Piraer bildirib.

O əlavə edib ki, İtaliyanın şimalından qaz Avstriyaya da verilə bilər. "Yəni gələcəkdə dəhliz təkcə cənubdan şimala yox, qərbdən şərqə dəhliz olacaq, revers axını sayəsində Cənub-Şərqi Avropaya da qaz tədarükü təmin ediləcək", - deyə Piraer bildirib.

ТАР “Şahdənz” qazının Avropa bazarlarına nəqli üzrə əsas marşrut kimi  seçilib. Bu qaz Yunanıstan, Albaniya və Adriatik dənizi ilə İtaliyanın cənubuna, ordan Qərbi Avropaya nql olunacaq. Kəmərin uzunluğu 870 km olacaq.

TAP-dakı mənbə Trend-ə bildirmişdi ki, marşrut boyu başqa boru kəməri interkonnektorlar vasitəsilə ТАР Xəzər qazını Xorvatiya, Bosniya, Monteneqro, Makedoniya, Bolqarıstan və Serbiyaya çatdıra bilər. İonik-Adriatik kəmərinə (IAP) qoşulma qazın bu ölkələrə çatmasını təmin edə bilər. Bundan başqa, İtaliyadan qaz qərb istiqamətində Fransa, İsveçrə, Almaniya, Avstriya, Belçika, hətta Böyük Britaniyaya verilə bilər. Avstriya və Macarıstan vasitəsilə qaz TAG kəməri ilə Almaniya və Fransaya, Transitgas vasitəsilə İsveçrəyə verilə bilər. ТАР-la nəql edilən qaz IGB vasitəsilə Bolqarıstana çatdırıla bilər.

Boru kəmərinin tikintisinə 2016-cı ildə başlanılacaq. ТАР səhmdarları bunlardır: BP (20%), ARDNŞ (20%), Statoil (20%), Fluxys (19%), Total (10%), E.ON(9%) və Axpo (5%). –0--