Azərbaycan şirkətləri LSE-də kapital cəlb etməyə çağırılıblar
Bu gün Bakıda “Bakıda və Londonda maliyyə vəsaitlərinin cəlb edilməsi: yeni imkanlar” mövzusunda konfrans keçirilib. Tədbir London və Bakı Fond birjalarının vasitəsilə korporativ sektorun kapital bazarına çıxışı yollarına həsr olunub. Bir çox postsovet ölkələrindən, o cümlədən Rusiya, Ukrayna, Qazaxıstan və Gürcüstandan fərqli olaraq Azərbaycanda bir şirkət yoxdur ki, nəinki Londonda, hətta Bakıda qiymətli kağızlar üzrə İPO prosesini həyata keçirməyə cəhd göstərsin.
Konfransın əsas təşkilatçısı KPMG Azerbaijan şirkətinin nümayəndəsi Vüqar Əliyev qeyd edib ki, hazırda Azərbaycanın şirkətləri maliyyə alətlərinin cüzi paketindən istifadə edirlər. Kommersiya banklarının nizamnamə kapitallarının minimal həcminə tələblərin artırılması aksiyaların kütləvi yerləşdirilməsi yolu ilə kapitalın cəlb olunması üçün böyük perspektivlər açır. Lakin V.Əliyevin sözlərinə görə, bundan ötrü onlar bu prosesə uyğun uzun hazırlıq yolu keçməlidirlər. Onun fikrincə, Bakı Fond Birjasında (BFB) ilk İPO-nu 1-1,5 ildən əvvəl gözləməyə dəyməz.
London Fond Birjasının (LSE) biznesin inkişafı üzrə meneceri Maksim Kondratyuks Azərbaycan şirkətlərinin Bakıda və Londonda ikiqat listinq imkanlarından danışıb. O hesab edir ki, LSE biznes ideyaların alternativ maliyyələşdirilməsi üçün yaxşı platformadır. Onun sözlərinə görə, MDB ölkələrindən bir çox şirkətlər ikiqat listinq vasitəsilə dünya maliyyə mərkəzindən kapital cəlb edirlər.
Dövlət müəssisələrinin müəyyən səhm paketlərinin özəlləşdirilməsi üçün də London birjasına şirkətlər çıxarılır. LSE vasitəsilə cəlb olunmuş kapitalın həcmi $3 trln. təşkil edir. Bunun $1 trln.-u investorlar xarici şirkətlərin səhmlərinə yatırıblar.
KPMG Rusiya şirkətinin MDB ölkələri üzrə kapital bazarlarına xidmət şöbəsinin rəhbəri Svetlana Mariott İPO-nun LSE-də həyata keçirilməsinin praktiki aspektlərindən, BFB-nin sədri Emil Əliyev isə yerli birjanın listinq səviyyəsindən danışıb. Belə ki, şərtlərin yumşaq olmasına baxmayaraq, bu listinq səviyyələrdə heç bir yerli şirkət kotirovka edilmir.
Qeyd olunub ki, İPO-dan əvvəl “repetisiya” kimi korporativ istiqrazlar buraxıla və yerləşdirilə bilər.
“Pasha Bank”ın investisiyalar üzrə direktoru Taleh Kazımov istiqrazların bank kreditlərindən üstünlüyü ilə əlaqədar müqayisəli təhlil aparıb. Bununla belə hələ ki Azərbaycan şirkətlərinin az hissəsi qiymətli kağızlar vasitəsilə borc götürməyə qərar verir.
Qiymətli kağızların uğurla yerləşdirilməsində ictimaiyyətin, potensial investorların bazara daxil olan şirkətlər barədə məlumatlandırılması məsələsi də mühüm rol oynayır. İPO-nun bu cür incəliklərindən Caspian Links şirkətinin İdarə Heyətinin sədri və College Hills şirkətinin Azərbaycan üzrə nümayəndəsi Vüqar Xəlilov danışıb.
Konfransda qeyd olunub ki, qiymətli kağızlar bazarı və korporativ idarəetmə üzrə qanunvericiliyin təkmilləşdirilməsi yaxın illərdə Azərbaycanda müasir kapital bazarının qurulmasına təkan verəcək. 08C
-
- İqtisadiyyat
- 11 Dekabr 2012 15:27
-
- Siyasət
- 11 Dekabr 2012 15:39
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz