Azərbaycan-Tacikistan Birgə Hökumətlərarası Komissiyanın iclası keçirilib

Sentyabrın 3-də Bakıda Azərbaycan Respublikası ilə Tacikistan Respublikası arasında ticarət-iqtisadi əməkdaşlıq məsələləri üzrə Birgə Hökumətlərarası Komissiyanın ikinci iclası keçirilib. Tacikistan tərəfini Tacikistan Respublikasının Meliorasiya və Su Təsərrüfatı naziri Rəhmət Bobokalonovun rəhbərlik etdiyi nümayəndə heyəti təmsil edib. 

Komissiyanın ilk iclası 2012-ci ilin martında olub. İqtisadi inkişaf naziri Şahin Mustafayev ölkələrimiz arasında siyasi, iqtisadi və mədəni əlaqələrin uğurla inkişaf etdiyini, kənd təsərrüfatı, energetika, İKT, nəqliyyat və s. sahələrdə xeyli iş görüldüyünü bildirib. Onun sözlərinə görə, bir sıra Azərbaycan malları Tacikistan bazarında mühüm yer tutur. Bu il Düşənbə-Bakı-Düşənbə aviareysinin açılması iqtisadi və humanitar əlaqələrin inkişafına kömək edəcək. 2012-ci ildə iki ölkə arasında əmtəə dövriyyəsi 2,8 dəfə artıb. 

İclasın sonunda Azərbaycan Respublikası ilə Tacikistan Respublikası arasında iqtisadi-ticarət, investisiya qoyuluşu, tikinti, kənd təsərrüfatı, İKT, mədəniyyət və turizm, meliorasiya və s. sahələrdə əməkdaşlığın inkişafını nəzərdə tutan Protokol imzalanıb. 

Maraqlıdır ki, Gömrük Komitəsinin məlumatı bu ilin 7 ayında iki ölkə arasında əmtəə dövriyyəsinin pisləşdiyini göstərir. Bu dövrdə Düşnbəyə ixracat həcmi $4 172 min olub. Bu, 2012-ci ilin eyni dövrünü fgöstəricisindən 85% azdır. Əks istiqamətdə ixrac isə dayandırılıb. 08D