Londonda Azərbaycan və Britaniya XİN rəhbərləri Elmar Məmmədyarovla Uilyam Heyq iki ölkə arasındakı əlaqələrin inkişaf perspektivlərini müzakirə ediblər.
Azərbaycan XİN mətbuat xidmətinin məlumatına görə, nazirlər BMT Təhlükəsizlik Şurasının gündəliyinə daxil olan aktual məsələlərə də toxunublar.
Britaniyalı nazir energetika sahəsində Azərbaycanın rolunu, həmçinin Əfqanıstanda NATO əməliyyatına töhfəsini yüksək qiymətləndirib.
E.Məmmədyarov Azərbaycanın Böyük Britaniya ilə investisiya, turizm, təhsil və digər sahələrdə əməkdaşlığın inkişafında maraqlı olduğunu bildirib.
O həmçinin Ermənistan-Azərbaycan münaqişəsinin nizamlanması üzrə danışıqlar prosesi barədə Heyqə məlumat verib, münaqişənin həlli və Böyük sülh sazişinin hazırlanmasına başlanması üçün erməni qoşunların Azərbaycan ərazilərindən çıxarılmasının vacibliyini qeyd edib.
Heyq Böyük Britaniyanın ATƏT-in Mİnsk Qrupunun fəaliyyətini dəstəklədiyini bildirib.
E.Məmmədyarov Londona işgüzar səfəri çərçivəsində Britaniya parlamentinin İcmalar Palatasında görüşlər keçirib.—06D-
Siyasət
-
Milli Məclis seçkilərində 70 saylı Neftçala dairəsindən namizəd olmuş Vəfa Nağı (Nağıyeva) saxlanıldığı bildirilir.
-
Azərbaycan Prezidenti İlham Əliyev cümə günü Moskvayla Kiyev arasında Ukrayna vasitəsilə Rusiya qazının təchizatının davam etdirilməsi ilə bağlı davam edən müzakirələrə ehtiyatlı optimizmini ifadə etdi. Bu qaz təchizatı üçün müqavilə ilin sonuna qədər qüvvədədir və həm Avropa İttifaqı, həm də Ukrayna Azərbaycanı müzakirələri vasitəçilik etməyə dəvət edib.
-
Sentyabrın 6-da Bakı Ağır Cinayətlər Məhkəməsində Milli Şuranın və Müsavat Partiyasının üzvü Tofiq Yaqublunun ifadəsi dinlənilib. O, ittihamları rədd edib.
-
Cümə axşamı Xətai Rayon Məhkəməsi iqtisadçı Fərid Mehralızadənin həbs müddətini daha 3 ay uzadıb. Məhkəmənin qərarına əsasən, o, dekabrın 19-dək həbsdə qalacaq, vəkil Cavad Cavadov bildirib.
Rəy yaz