Azərbaycan təbibləri rekord vurub

Əhalinin tibbi müayinəsi uğurla keçib: 2 ayda 4 mln nəfər pulsuz tibbi müayinədən keçib, deyə 13 apreldə Nazirlər Kabinetinin 2014-cü ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş iclasında prezident İlham Əliyevin bildirib.

Kəçmiş həkim, «Şərq-Qərb» Araşdırmalar Mərkəzinin rəhbəri Ərəstun Oruclu Turan-a bildirib ki, İlham Əliyev üçün bu çıxışı hazırlayanların özü müayindən keçməlidir. Belə çıxır ki, sutkada 77 min nəfər müayinə edilib. Mövcud şəraitdə (kadr və texniki potensial, büdcə işçilərinin sayı və s.) bu, mümkün deyil. Oruclu deyib ki, ölkədə tibbi müayinə mədəniyyəti aşağıdır.

Dövlət başçısı həmçinin bildirib ki, I rübdə əhalinin rifahı da artıb. Onun sözlərinə görə, orta aylıq maaş 7%, əhalinin bank əmanətləri 20% artıb. Dövlətstatkoma görə, 2008-2012-ci illərdə dövlət və özəl klinikalarda 3,1-3,42 mln nəfər profilaktik müayindən keçib. Bunun 70%-i 18 yaşadək vətəndaşlardır. Ölkədə 1725 müalicə-poliklinika var. Onlar bir növbədə 105,5 min nəfərə xidmət edə bilər. 1991-ci illə müqayisədə bu göstərici 3,2% azalıb.

Səhiyyə Nazirliyinin məlumatına görə, 508 subyekt, 85 fiziki şəxs tibbi xidmət lisenziyasına malikdir. 1991-ci ildən ölkədə həkimlərin sayı 27,5 mindən 32,3 min nəfərə (+17,4%) artıb, orta tibb personalı 68 mindən 57,5 minə azalıb (-15,5%).  1991-ci ildə 10 min nəfərə 38,7 ixtisaslı həkim, 95,8 orta tibb personalı düşürdüsə, 2013-cü ildə bu göstərici 35 və 62,3 olub. 

Ekspertlər hesab edir ki, korrupsiyalaşmış hökumət bu ümumi rəqəmlərlə əhalidən dəstək almaq istəyir. Hökumət bəyan edir ki, Azərbaycan işsizlik və yoxsulluq səviyyəsinə görə (5%) Avropa ölkələrini keçib. Cəmiyyət bu rəqəmlərə inanmır. 08D