Azərbaycanda dövlət istiqrazları üzrə rekord göstərici qeydə alınıb

Martın 1-də Bakı Fond Birjasında dövlət qısamüddətli istiqrazların yerləşdirilməsi (91 gün) üzrə fond birjasında tələbatın həcmi 2,5 dəfə çox olaraq nominal üzrə 39 mln. 745,5 mln. manat təşkil edib.

BFB-dən Turan-a bildirilib ki, hərrac zamanı 6 investor tərəfindən 11 sifariş təqdim olunub. Sifarişlərin nominal üzrə ümumi məbləği 39 mln. 745, 5 manat təşkil edib.

Sifarişlər 95,77 manat (gəlirlik 17.7644%) və 97.60 manat (gəlirlik 9.8901%) qiymət intervalında təqdim edilib.

Hərracın yekunları üzrə bağlanılmış əqdlərin minimal qiyməti 95.9340 manat (gəlirlik 17.0464 %), orta ölçülmüş qiyməti 96.0337 manat  (gəlirlik 16.6112 %) təşkil edib.

15 mln. manat həcmində istiqraz satılıb. Bir qiymətli kağızın nominal dəyəri 100 manatdır.

Qeyd edək ki, manatla istiqrazların satışı üzrə əvvəlki hərracda dövlət qısamüddətli istiqrazları üzrə orta ölçülmüş gəlirlilik 8,79% təşkil edib. Beləliklə, Maliyyə Nazirliyi bir ay ərzində öz qiymətli kağızlarının gəlirliliyini iki dəfə artırıb.

Bu il Maliyyə Nazirliyi ümumi məbləği 400 mln. manat və $500 mln. həcmində istiqraz yerləşdirməyi planlaşdırır.