Vergilər Nazirliyi simmetrik oxşar iki holdinq şirkətini qeydiyyata alıb. Onlarda olan iri kapitallı 12 şirkətin rəhbəri eyni adamdır və onlar eyni ünvanda yerləşir.
Kommersiya Hüquqi Şəxslərin Dövlət Reyestrinin məlumatına görə, “Blossom Group” MMC və “Platek Group” MMC-yə Ruslan Əhədov rəhbərlik edir, onlar Bakı, S.Rüstəm, 9 ünvanında yerləşir. Maraqlıdır ki, bu biznes mərkəzdə “AtaHolding” ASC-nin bir sıra şirkətləri yerləşir. Məlumatlı mənbə Turan-a bildirib ki, «yeni şirkətlər buraya bağlıdır». Şirkətlərin hər birinin ödənilmiş nizamnamə fondu 10 000 manatdır. «Hüquqi Şəxslərin Dövlət Qeydiyyatı və Dövlət Reyestri haqqında» qanuna əsasən, 2012-ci ilin iyunundan şirkətlərin təsisçiləri və pay iştirakı barədə məlumat məxfi sayılır.
“Blossom Group” MMC və “Platek Group” MMC-dən başqa, “Blossom Property”, “Blossom Pack”, “Blossom Mart”, “Blossom House”, “Blossom Capital” və s. şirkətlər yaradılıb. Naməlum qalmaq istəyən mənbə Turan-a bildirib ki, 2013-cü ilin IV rübündə qeydiyyata alınan şirkətlər barədə məlumat indi verilib.
Ötən ilin noyabrında “Azerbaijan Global İnvestments” investisiya şirkəti yaradılmışdı (ödənilmiş nizamnamə fondu 100 000 manat). Turan-ın mənbəyi qeyd edib ki, adı çəkilən iki qrupu bu şirkət idarə edəcək. 08B
İqtisadiyyat
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
-
BP-nin Azərbaycan, Gürcüstan və Türkiyə (AGT) regionu üzrə bölməsinə iki yeni vitse-prezident təyin olunub, BP-Azərbaycanın mətbuat açıqlamasında bildirilir.
-
2024-cü ilin yanvar-oktyabr dövründə Azərbaycanın neft ixracatı ilə bağlı məlumatlar, ötən ilin eyni dövrü ilə müqayisədə həm həcmin, həm də dəyərin əhəmiyyətli dərəcədə azaldığını göstərir və neftdən asılı olan iqtisadiyyatın üzləşdiyi problemləri vurğulayır. Ölkə 495 484,05 ton neft məhsulu ixrac edib və bunun dəyəri 309,02 milyon ABŞ dolları təşkil edib ki, bu da 2023-cü illə müqayisədə dəyər baxımından 40,3%, həcm baxımından isə 40,7% azalma deməkdir. 2023-cü ildə ixracat 925 225,07 ton təşkil edərək 572,21 milyon ABŞ dollarına çatmışdı.
Rəy yaz