![Azərbaycanda islam bankçılığı inkişaf edir](https://turan.az/resized/media/2015/main/022000107312-750-500-resize.webp)
Azərbaycanda islam bankçılığı inkişaf edir
Cümə axşamı keçirilən Bakıda keçirilən “İslam maliyyəsi: müasir vəziyyət və gələcək gözləntilər” mövzusunda beynəxalq konfransın yekunları göstərir ki, Azərbaycanın bank sektorunda islam bankçılığında artım gözləmək lazımdır.
Bu gün şəriət prinsipləri ilə verilən kreditlər ümumi kreditlərin 1,6%-dir. İslam kreditinin həcmi artır və ötən il 220 mln-dan 300 mln manata genişlənib. 2014-cü ildə bütün kreditlərin həcmi isə 18,5 mlrd manat olub.
Ölkədə islam bankılığından «Azərbaycan Beynəlxalq Bankı» ASC və “Nikoil bank” daha fəal istifadə edir. Ümumən onu 7 bank və kredit təşkilatı tətbiq edib.
İqtisadi Resursların Öyrənilməsi Mərkəzinin sədri Ruslan Atakişiyev qeyd edib ki, ilin sonuna kimi bu göstəricinin 500 mln manata artacağı proqnozlaşdırılır.
Onun fikrincə, bu gün dünya maliyyə bazarında 1,3 trilyon ABŞ dolları həcmində dövriyyəyə malik olan islam maliyyəsi məhsullarının ölkəmizdə formalaşdırılması kiçik və orta sahibkarlığın inkişafı ilə yanaşı, qeyri-neft sektorunun inkişafı üçün katalizator rolu oynaya bilər.
Milli Məclisin deputatı Əli Məsimli çıxış edərək deyib ki, islam bankçılığının tətbiqinə kiçik sahibkarlıqda, xüsusən kənd rayonlarında ehtiyac var, çünki borc faizsiz verilir (İslam bankçılığı qaydalarına əsasən, bank və ya maliyyə institutu kredit tam qaytarılana kimi pay iştirakçısı olur.- Turan).
ABB də bunu dərk edir və regionlarda islam bankçılığının filial şəbəkəsini inkişaf etdirir. Bu bank islam bankçılığı ideyasına lobbiçilik edir və postsovet məkanında bu sistemin bələdçisi kimi çıxış etmək istəyir.
İslam bankçılığının üstünlüyünü sabiq sovet aparatı işçisi, Milli Məclisin iqtisadi siyasət komitəsinin sədri, akademik Ziyad Səmədzadə də qeyd edib. O, islam iqtisadiyyatının əsas prinsiplərini müqayisəli şəkildə tətbiqi zərurətindən danışıb və konfransda səslənən fikirlərin Azərbaycanda İslam bankçılığının inkişafına təkan verəcəyinə əminliyini bildirib.
Turan xəbər vermişdi ki, birgünlük “İslam maliyyəsi: müasir vəziyyət və gələcək gözləntilər” mövzusunda beynəxalq konfrans başlayıb. Konfrans Azərbaycan Milli Elmlər Akademiyasının İqtisadiyyat İnstitutu və Türkiyə Əməkdaşlıq və İnkişaf Agentliyi tərəfindən təşkil olunub. Orda bir sıra islam ölkələrindən ekspertlər də iştirak edib. —0-
-
- Cəmiyyət
- 20 Fevral 2015 12:44
-
- İqtisadiyyat
- 20 Fevral 2015 13:24
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz