• contact.az Contact
  • Bakı
  • Clear26.40 C
  • Şənbə, 27 İyul 2024
    • flag_EN
    • flag_RU

Son yenilənmə

(7 saat əvvəl)
Azərbaycanın ixrac boru kəmərləri bahalaşıb
A- A A+
EN RU
Turan İnformasiya Agentliyi
Turan İnformasiya Agentliyi

Azərbaycanın ixrac boru kəmərləri bahalaşıb

Dünən Serbiya parlamenti "Cənub axını" qanununu qəbul edib. Bu, ölkə ərazisindən qaz kəməri çəkilişi üçün torpaq sahəsi ayrılmasını sürətləndirəcək. Bu ölkədə boru kəməri çəkilməsi (Xorvatiya və Bosniya və Hersoqovinaya qollarla) 2013-cü ili I rübündə planlaşdırılır. Qaz kəməri 14 min fiziki və hüquqi şəxsin ərazisindən keçəcək.

 
Bu il qaz kəməri çəkilişi üçün 105 mln avro ayrılıb. Ümumilikdə layihəyə 1,7 mlrd avro ($2,3 mlrd) investisiya qoyulacaq. Boru kəmərinin uzunluğu 450 km, illik buraxılış gücü 40 mlrd m3 olacaq, 2015-ci ildə istifadəyə veriləcək.
 
Bu məlumat 2014-cü ildə Azərbaycanda Cənubi Qafqaz boru kəmərinin genişləndirilməsi layihəsi çərçivəsində “Şahdəniz-2”dən qaz ixracı üçün yeni ixrac qaz kəmərinin çəkilişinin başlaması ilə bağlı maraqlıdır.
 
Kəmər Səngəçaldan yox, bir qədər cənubdan başlayacaq, uzunluğu 435 km olacaq (Gürcüstan sərhədinə qədər). Borular 56 düym olacaq ki, sonralar ildə 32 mlrd m3 nəql etmək mümkün olsun. “Şahdəniz-2” layihəsinə qaz kəməri elə çəkiləcək ki, pik halda 17 mlrd m3 (normal rejimdə 16 mlrd m3, rezerv rejimdə + 1 mlrd m3) qaz nəql etmək mümkün olsun.
 
VR-nin “Şahdəniz” üzrə vitse-prezidenti Alister Kuk yanvarın sonunda Turan-ın suallarını cavablandırarkən bildirib ki, Cənubi Qafqaz boru kəməri Gürcüstandakı işlər də daxil (2 kompressor stansiyası və infrastruktur - red) $5 mlrd qiymətləndirilir. O deyib ki, tikinti xərclərinin 20% arta bilməsi də bu qiymətə daxildir. VR hesab edir ki, layihə qiyməti $4,1 mlrd-dır. Turan agentliyi dəqiqləşdirib ki, Azərbaycan ərazisində işlər $2,5 mlrd, Gürcüstanda $1,6 mlrd qiymətləndirilir.
 
Amma bu layihələr müqayisə ediləndə görünür ki, Azərbaycan ərazisində tikinti işləri daha ucuz olmalıdır. Əvvəla, Serbiyada relyef daha mürəkkəbdir. Serbiyada kəmər üçün torpaq alınır, (orda qiymət bahadır), Azərbaycanda icarə olunur və artıq trassa var.
 
2004-2006-cı illərdə "Şahdəniz-1" çərçivəsində ildə 7,5 mlrd m3 (+0,5 mlrd m3 rezerv) gücündə 680 km Cənubi Qafqaz boru kəməri $1,1 mlrd-a tikildi. O vaxt Azərbaycan BTC-dən sonra dərhal qaz kəməri tikdi (təbii ki, güzəştlər oldu).
 
Bu hesablamadan çıxış etsək, Azərbaycanın “Şahdəniz”dən qaz nəqli üzrə bütün ixrac infrastrukturunun ümumi qiymətini hesablamaq olar. VR-də deyirlər ki, bu məbləğ $20 mlrd-ı keçəcək. Yəni belə çıxır ki, TANAP və 2600-3100 km Avropa qaz kəməri $15 mlrd-a başa gələcək. Cənubi Qafqaz boru kəmərinin genişləndirilməsi və TANAP-ın ($10 mlrd) qiyməti uyğun gəlir - 1 km $5,7 mln və $5,6 mln. TAR kəməri də təxminən belədir.
 
Amma demə, əsas marşrut kimi Nabucco West götürülsə, 1 km $3,8 mln-a başa gələcək. Bu isə az ehtimal olunur. --12A—
 

Rəy yaz

İqtisadiyyat

Bizi sosial şəbəkələrdə izləyin

Xəbər lenti