Prezident İlham Əliyev fevralın 22-də Rəqəmsal Ticarət Qovşağı kimi Azərbaycan Respublikasının mövqeyinin gücləndirilməsi və xarici ticarət əməliyyatlarının genişləndirilməsi ilə bağlı əlavə tədbirlər haqqında fərman imzalayıb. Bu məqsədlə İqtisadi İslahatların Təhlili və Kommunikasiya Mərkəzinə www.azexport.az portalında «Azərbaycanın Rəqəmsal Ticarət Qovşağı» (Digital Trade Hub of Azerbaijan) yaratmaq tapşırılıb.
Qovşaq vasitəsilə Azərbaycanın vergi ödəyiciləri xarici biznes tərəfdaşları ilə sənədlərin, o cümlədən müqavilələrin elektron formada tərtibi və imzalanması imkanı əldə edir.
İstehsal olunan malları elektron ticarət qaydasında təqdim edən ixracatçılar ixrac əməliyyatlarını həyata keçirmək üçün tələb olunan icazələri vahid elektron ərizə əsasında elektron qaydada əldə edə, ixrac gömrük bəyannaməsini vahid elektron ərizədə doldura biləcəklər. Bu funksionallaığın təmin edilməsi üçün www.azexport.az portalına inteqrasiya olan dövlət orqanları ilə məlumat mübadiləsi real vaxt rejimində həyata keçiriləcək. Portal vasitəsilə təqdim edilən malların qiymət ödənişi onlayn rejimdə təmin ediləcək.
Azərbaycanın qeyri-rezidentlərinin xarici ölkələrdə elektron imza alması üçün səfirlik və konsuluqlarda şərait yaradılacaq.
Bu işlərin həyata keçirilməsi üçün İqtisadi İslahatların Təhlili və Kommunikasiya Mərkəzinə 450 min manat ayrılıb. 08D
İqtisadiyyat
-
Türk Dövlətləri Təşkilatının (TDT) Ticarət-Sənaye Palataları İttifaqı (TSPİ) 26 dekabr tarixində Bakıda Baş Assambleyasını keçirdi, üzv dövlətlər arasında dinamik iqtisadi artımı və dərinləşən inteqrasiyanı önə çəkdi. Azərbaycan və TDT-nin digər üzv dövlətlərini təmsil edən iş dünyası və dövlət rəhbərləri ticarət, investisiya və regional əlaqə layihələrini müzakirə etdilər.
-
Azərbaycanda düyü idxalı 2024-cü ilin yanvar-noyabr dövründə misli görünməmiş səviyyəyə çataraq həm daxili tələbatın artmasını, həm də qlobal ərzaq qiymətlərinin yüksəlməsini əks etdirib. Bu dövrdə ölkə 60,400 ton düyü idxal edib ki, bu da 2023-cü ilin eyni dövrü ilə müqayisədə həcmin 18.6% artması və dəyərin 35.3% yüksəlməsi deməkdir.
-
2022-2024-cü illər arasında Azərbaycan İpoteka və Kredit Zəmanət Fondu (İKZF) vasitəsilə 17,750 həyat sığortası müqaviləsi və 40,661 əmlak sığortası müqaviləsi imzalanıb. Bu, Fondun mənzil maliyyəsi və sığorta bazarlarının gücləndirilməsində artan rolunu əks etdirir. Bu rəqəmləri İKZF-in İpoteka Kreditləşməsi Departamentinin direktoru Rasim Abdullayev "Mənzil Maliyyələşdirməsi və Sahibkarlığa Dəstək Alətləri" seminarında açıqlayıb.
-
Bakı Şəhər Statistika İdarəsinin məlumatına görə, 2024-cü ilin ilk on bir ayında Bakıda əhaliyə göstərilən ödənişli xidmətlərin dəyəri 6,94 milyard manata çatıb ki, bu da 2023-cü ilin eyni dövrü ilə müqayisədə real ifadədə 9,2%-lik artımı əks etdirir.
Rəy yaz