![«Fitch» SOCAR-ın reytinqini təsdiq edib](https://turan.az/resized/750/500/resize/media/2017/main/022400184130.jpg)
«Fitch» SOCAR-ın reytinqini təsdiq edib
“Fitch Ratings” beynəlxalq reytinq agentliyi SOCAR-ın (ARDNŞ) emitentin uzunmüddətli defolt reytinqini "BB+", qısamüddətli defolt reytinqi “B”, prioritet təmin olunmamış reytinqini “BB+” səviyyəsində təsdiq edib.
Emitentin uzunmüddətli defolt reytinqi üzrə proqnoz “mənfi”dir.
Hesabatda deyilir ki, SOCAR-ın reytinqləri Azərbaycanın suveren reytinqlərinə uyğundur. Çünki o, neft və qaz sənayesində ölkənin maraqlarını təmsil edir. Şirkət 100% dövlətindir, neft və qaz hasilatının 20%-i onun payına düşür. SOCAR ölkədə ən böyük işəgötürəndir, eləcə də dövlət büdcəsinə mühüm töhfə verir.
Agentlik reytinqin proqnozunun “stabil”ə dəyişməsinə səbəb olacaq amillər arasında aşağıdakıları qeyd edib: büdcə mövqeyinin yaxşılaşması, enerji ehtiyatları qiymətlərinin sabit artımı, idarəçilik və biznes mühitin təkmilləşdirilməsi, iqtisadiyyatın şaxələndirilməsi istiqamətində ölkədə irəliləyiş.
Agentlik hesab edir ki, SOCAR-ın likvidliyi adekvatdır. Beynəlxalq Maliyyə Hesabatı Standartlarının (BMHS) məlumatına əsasən, ARDNŞ 30 iyun 2016-cı il tarixinə 3,8 mlrd manat məbləğində pul vəsaitinə malik olub. Bunun 63%-i banklarda dollarla hesablarda yerləşdirlib. Agentliyin qiymətləndirmələrinə görə, bu vəsait qeyd olunan tarixə 3,4 mlrd. manat məbləğində qısamüddətli borcun ödənilməsi üçün kifayətdir.
Eləcə də hesabatda qeyd edilir ki, SOCAR üzrə proqnozlar 2017-ci ildə dünyada neftin 1 barrelinin qiyməti 45 dollar, 2018-ci ildə 55 dollar, 2019-cu ildə 60 dollar götürülməklə hesablanıb. Proqnozda manatın məzənnəsi 1 dollar - 1,89 manat kimi göstərilib. 71D
-
- Cəmiyyət
- 24 Fevral 2017 12:10
-
- İqtisadiyyat
- 24 Fevral 2017 12:35
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz