Tel-Əvivdə Azərbaycan və İsrail aviasiya administrasiyalarının nümayəndə heyətləri arasında danışıqlar keçirilib. Danışıqlar zamanı tərəflər "Azərbaycan Respublikası Höküməti və İsrail Dövləti Höküməti arasında hava əlaqəsi haqqında Saziş" layihəsini razılaşdırıb.
İki ölkənin aviasiya administrasiyalarının nümayəndə heyətləri həmçinin hava nəqliyyatı sahəsində ikitərəfli əməkdaşlıq məsələlərini müzakirə edib və hər iki ölkənin təyin olunmuş aviaşirkətləri tərəfindən müntəzəm sərnişin və yük aviareyslərinin yerinə yetirilməsi barədə razılığa gəliblər. Bu barədə Turan-a Azərbaycan Mülki Aviasiya Administrasiyasının mətbuat xidmətində bildiriblər.
Danışıqlarda hər iki ölkənin aviaşirkətlərinin nümayəndələri iştirak ediblər.
2016-cı ilin fevralında AZAL aviaşirkəti bildirmişdi ki, İsrailin El Al Israel Airlines aviaşirkətinin nümayəndə heyəti Azərbaycana gəlib və H.Əliyev Beynəlxalq Hava Limanında aviasiya təhlükəsizliyinin auditini keçirib. El Al təmsilçiəri o vaxt 2016-cı ildə Təl-Əvivdən Bakıya İsrailin aşağıbüdcəli El Al və Arkia şirkətlərinin birbaşa reyslər açmaq planı barədə məlumat veriblər.
Hazırda Bakı ilə Təl-Əviv arasında hava əlaqəsini AZAL həyata keçirir. Uçuşlar həftədə iki dəfədir (çərşənbə axşamı və bazar). Bir tərəfə minimal bilet qiyməti (təxminən) 540 manat, hər iki istiqamətə 652 manatdır. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz