Azərbaycanda “vahid pəncərə” prinsipinin fəaliyyət göstərdiyi 7 il ərzində (2008-2014) 421 min 136 sahibkarlıq subyekti qeydiyyata alınıb.
Vergilər Nazirliyinin press-relizində deyilir ki, onların böyük hissəsi (90,1% yaxud 381957) fərdi sahibkarlar, qalan 39179 hüququ şəxs statuslu sahibkarlardır.
Sistemin tətbiq edilməsi ilə istisnasız olaraq yerli kapitallı 7045 məhdud məsuliyyətli cəmiyyət (MMC) (hüquq şəxs statuslu bütün müəssisələrin 39,2%-i) vergi uçotuna alınıb.
“Vahid pəncərə” prinsipi ilə sahibkarların qeydiyyatı sistemi 2008-ci ilin yanvarın 1-dən tətbiq edilib. Onun hesabına sahibkarlıq fəaliyyəti ilə məşğul olan hüquqi və fiziki şəxslərin qeydiyyatı prosesi Vergilər Nazirliyi vasitəsilə bir-iki günə həyata keçirilir. Ancaq sonradan bazarda ya “özlərininkilər” ya da “tək-tək” əməliyyatlar üçün nəzərdə tutlmuş funksional təsirli şirkətlər qalır. Vergilər Nazirliyi bazara uyğunlaşmayan “himayəsiz” müəssisələrin getməsinin səbəbi ilə bağlı hesabat dərc etmir. --17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz