"Azercell" növbəti TEDx Bakı tədbirinə dəstək oldu
Fəaliyyətə başladığı gündən uğurlu sosial layihələr həyata keçirən, bir sıra konfranslara, tədbirlərə dəstək olan Azərbaycanın lider mobil operatoru "Azercell Telekom" bu ənənəni uğurla davam etdirməkdədir.
Şirkətin press-relizində deyilir ki, Ölkədə müxtəlif sosial sahələrin inkişafına yönəlmiş bır sıra layihələrlə yanaşı, gənclər üçün elm, təhsil istiqamətində həyata keçirilən layihələr də şirkətin ən önəmli təşəbbüslərindən biridir. Bunlar arasında Azərbaycanın aparıcı ali təhsil ocaqlarında Azercell-in təşəbbüsü ilə çalışan 3G və 4G laboratoriyaları, elektron təhsil otaqları, tələbələr üçün müxtəlif təcrübə və təqaüd proqramları, "Nə, Harada, Nə zaman?" intellektual televiziya oyununa dəstək, nəhayət, şirkətin Barama İnnovasiya Mərkəzinin nəzdində keçirilən saysız uğurlu layihələr aiddir.
Şirkətin bu sahədə atdığı növbəti addım isə iyunun 28-də Beynəlxalq Muğam Mərkəzində keçirilən növbəti TEDx tədbirinə dəstəyi olub. 30 ildir ki, dünya alimlərini, siyasətçilərini, sahibkarlarını, mədəniyyət xadimlərini və onlarla digər ixtisas sahiblərini bir arada birləşdirən TED (Texnologiya, Əyləncə, Dizayn) adlı konfrans ilk dəfə 1984-cü ildə baş tutub. Ilk TED konfransında yenicə buraxılmış "Macintosh" kompüteri, "Sony" istehsalı olan kompakt-disk təqdim olunub, süni intellekt və s. bu kimi hazırda geniş tətbiq olunan fikirlər üzrə çıxışlar olub.
Azərbaycanda keçirilən sayca 10-cu TEDx Bakı konfransına 200-dən artıq iştirakçı qatılıb. Mövzusu "Yüklənmə" olan tədbirdə 12 spikerlə yanaşı, Azercell-in iki əməkdaşları İmran Bağırov və Anar Abbasov da çıxış edərək, tamaşaçılara fərqlilik və 4G sahəsində maraqlı təqdimatlar nümayiş etdiriblər. --17D—
-
- İqtisadiyyat
- 1 İyul 2014 13:00
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz