Aparıcı yerli operator və İnternet xidmətləri provayderi Azercell Teleсom bu seqmentdə liderliyi saxlamaqda davam edir. Bu barədə qurumun məlumatında deyilir. Birincilik abunəçilərin sayı, həmçinin mobil rabitənin keyfiyyəti üzrə saxlanılır. Belə ki, abunəçinin harada olmasından asılı olmayaraq Azercell şirkətinin keyfiyyətli mobil şəbəkəsi fasiləsiz olaraq etibarlı əlaqə yaratmağa imkan verir.
2014-cü ildə Azercell şirkəti 169-dan çox 2G/3G şəbəkə baza stansiyasını qurub və 3G şəbəkəsinin tutumunu rekord səviyyəyədək artırıb (bütün ölkə boyunca 48%, Bakı üzrə 92%). Təkcə iyul ayında Azercell öz abunəçilərinə əlavə olaraq 10 2G şəbəkə stansiyası və 36 3G şəbəkə stansiyası təqdim edib. Ümuilkdə,bu günədək ölkə boyunca Azercell 2690 2G stansiyasını, 1880 3G və 264 4G stansiyasını birləşdirir.
Öz abunəçilərini ən yüksək xidmət səviyyəsi ilə təmin etməyə çalışan Azercell Telecom ümumilikdə 4834 baza stansiyasından istifadə etməklə öz fəaliyyətini həyata keçirir. Azercell həmçinin ölkədə GSM, GPRS/EDGE, həmçinin 4G texnologiyaları kimi yenilikləri ilk təqdim edən şirkətdir. Şirkətin təşəbbüsü ilə ölkənin bir neçə universitetində 3G və 4G test laboratoriyaları yaradılıb.
“Azercell Telecom” ASC 1996-cı ildə təsis edilib və fəaliyyətinin ilk illərindən bazarda öz aparıcı mövqeyini saxlayır. “Azercell” Azərbaycanda bir sıra yeni texnologiyalar və konsepsiyalar tətbiq edib - GSM-texnologiya, GPRS/EDGE (mobil İnternet), 24/7 Call Center, “Azercell Express”, "Asan İmza" mobil elekyron xidməti və s.
Ölkənin mobil rabitə bazarının 51 faizini təşkil edən şirkət şəbəkəsi əhalinin 99,8 faizini əhatə edir. 2013-cü ilin sonlarında abunəçilərim sayı 4,5 milyon nəfər təşkil edib. 2011-ci ildə şirkət 3G, 2012-ci ildə dördüncü nəsil şəbəkə - LTE-ni inkişaf etdirib. Şirkət Azərbaycanın mobil rabitə sahəsində liderlik edir və qeyri-neft sektorunda iri investor sayılır.
Azercell dünyanın 17 ölkəsində fəaliyyət göstərən TeliaSonera şirkətlər qrupunun tərkib hissəsidir. Qrupun 186 milyon abunəçisi və 27 min əməkdaşı var.-17D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz