Bakı aeroportunda logistika mərkəzi açılıb

Bakı beynəlxalq hava limanında logistika mərkəzi açılıb. Prezident İlham Əliyev açılışda iştirak edib. 

Onun sahəsi 12 800 kv metrdir. Burda iki qaldırıcı konveyner transporteri, 6 avtomatik qapı, o cümlədən yüklərin qəbulu və buraxılışı üçün konveyer qapısı quraşdırılıb. Mərkəzdə 30 və 14 tonluq tərəzilər qurulub. Burda eyni zamanda 2200 ton və ya 5800 m3 yük saxlamaq olar. Mərkəzin yük dövriyyəsi gündə 1200 ton və ya 7 min m3 (ildə 430 min ton) təşkil edir. 

Logistika mərkəzində mənfi 18 dərəcədən müsbət 20 dərəcəyədək bütün növ xüsusi temperatur rejimi tələb edən tez xarab olan yüklər, o cümlədən bitki və heyvan mənşəli yüklər, tibbi preparatlar saxlanıla və emal edilə bilər. qeydiyyatı və izlənməsi üçün xüsusi məlumat sistemi yaradılıb. Maksimal yük dövriyyəsi nəzərə alınmaqla hər növbə üzrə burada 44 nəfər çalışacaq.

Prezident İlham Əliyev Heydər Əliyev Beynəlxalq Aeroportunda “Silkway Technics” şirkətinin yeni tikilmiş anqar kompleksi ilə tanış olub. Azərbaycan Hava Yolları” QSC-nin prezidenti Cahangir Əsgərov kompleks barədə dövlət başçısına məlumat verib. Qurğunun tikintisinə 2011-ci ildə başlanılıb. Yeni anqar kompleksində hava gəmilərinə texniki xidmət göstərmək üçün hər cür şərait var. Burada quraşdırılan avadanlıq texniki xidməti dünya standartları səviyyəsində həyata keçirməyə imkan verir. Kompleksin ümumi ərazisi 26 min kvadratmetr, anqar hissəsinin sahəsi 16 min kvadratmetrdir. Eni 160, hündürlüyü 23, dərinliyi 95 metr olan anqarda eyni vaxtda ən böyük hava gəmisi olan iki “Boinq-747” təyyarəsinə, həmçinin dargövdəli 8-10 təyyarəyə texniki xidmət göstərmək üçün bütün zəruri şərait var. Kompleksdə ofis, anbar, inzibati bölmə və digər texniki otaqlar, yeni texniki xidmət sahələri də yaradılıb. Anqarda təyyarələrin interyerinə, şassilərinə, akkumulyatorlarına, qəza-xilasetmə avadanlığına xidmət göstərmək mümkündür. 08D