Bakı-London aviareysinin hər bir sərnişininə 96 işçi xidmət göstərir

British Airways şirkəti Bakı-London aviareysində hər bir sərnişininə xidmət göstərən işçiləri hesablayıb. 

Araşdırma göstərib ki, hər bir sərnişininə 96 işçi, 18 departament və 11 xarici təchizatçı xidmət göstərir. Premium sinif sərnişinlərinin hər birinə isə 107 işçiyədək xidmət göstərir. 

Tədqiqatın nəticələrinə görə, British Airways şirkəti sərnişinlərə Böyük Britaniya, Avropa, ABŞ və Kanadaya səyahətlər üçün xüsusi tarifini təklif edir. Xüsusi tariflərdən noyabrın 26-dək yararlanmaq olar, uçuşlar isə 2014-cü ilin iyulun 31-dək yerinə yetirilməlidir. “World Traveller” sinifinə bir aviabiletin qiyməti 476* avrodan, “Club World” sinifinə isə 1 767* avrodan başlayır.

“Bizim bütün işimizin mərkəzində - müştərilərimizin rahatlığı dayanır. Hər bir sərnişinin uçuş prosesini təmin etmək üçün cəlb olunan işçilərin sayı heyrətləndirir. Tədqiqatın nəticələri hər gün 100 min sərnişinin səyahətində iştirak edən “səhnə arxası” işçilərin sayını göstərir”, - deyə “British Airways”ın Yaxın Şərq və Mərkəzi Asiya üzrə kommersiya direktoru Paolo de Renzis bildirib.

Uçuşdan öncə 23 işçi “səhnə arxası vacib rolları ifa edirlər”. Məhz bu işçilər təyyarənin uçuşa hazır olduğunu təsdiqləyirlər. Uçuş günü bir sərnişinin uçuşunda 38 işçi bilavasitə iştirak edir.

Orta hesabla, təyyarənin göyərtəsində kabina ekipajı, kapitanlar və baş zabitlər də daxil olmaqla, sərnişinləri 16 nəfərdən ibarət komanda maşayiət edir. Daha 19 nəfər isə avialaynerin uğurlu enməsini təmin edir.

British Airways Bakıdan Londona və əks istiqamətdə hər gün uçuş həyata keçirir. Bir istiqamətə gündə 50-150 sərnişin uçur. Hər iki istiqamətə bir bilet 475 avrodur. 08D