Bakı-London reysi British Airways-in qış marşrutları şəbəkəsinə daxil olacaq

British Airways (ВА) 28 oktyabrdan etibarən BMI aviaşirkətinin Əmman, Almatı, Beyrut və Fritaun şəhərlərinə keçmiş reysləri üzrə qış cədvəlini elan edəcək. 13 oktyabrdan British Airways marşrutlarına Tbilisiyə birbaşa reys də daxil ediləcək.
Şirkətdən verilən məlumata görə, 2012-13-cü illərin qışında Bakı-London reysi BA şəbəkəsinə daxil olacaq. O, Bakıda keçmiş bmi marşrutu ilə, həftədə 7 dəfə A321 aerobusu ilə olacaq. Uçuşa British Airways ekipajı xidmət edəcək.
Hitrou hava limanından Seul, Alikante, Lids Bredford, Rotterdam və Zaqreb şəhərlərinə, Qetvikdən isə Las-Veqas və Barselona şəhərlərinə hava yolu açılacaq.
BA regional direktoru bildirib ki, sərnişinlər 23 kq baqajı pulsuz apara bilərlər. Həmçinin onlayn qeydiyyat, uçuşa 24 saat qalmış yerini müəyyən etmək imkanı olacaq.
bmi təyyarələrinin British Airways üslubuna keçidi 2013-cü ilə kimi davam edəcək. А321-in «World Traveller» salonu, müasir audio, video texnika, kresloda televizor, çarpayılı «Club World»u olacaq.
bmi-dən British Airways-ə keçidlə bağlı uçuş cədvəli və aviaxətlərin iş terminalı dəyişəcək. Geniş məlumatı burada əldə etmək olar: ba.com/managemybooking.
Ətraflı məlumat üçün: Red Communications PR and BTL Agency
201 Murtuza Muxtarov, Karat Plaza. Tel.: (+99412) 436 85 09, (+99412) 436 90 67
Email: info@redcom.az --17D—