АссessBank $2 mlrd-dan çox kredit verib

Bu gün "АссessBank" QSC elan edib ki, 2 mlrd dollardan çox kredit verib. 2002-ci ildən bank 585 000 kredit verib. Bunun 90 %-dən çoxu kiçik və orta sahibkarlara biznesi genişləndirmək və yeni iş yerləri yaratmaq məqsədi ilə verilib. Bu, ölkə iqtisadiyyatının inkişafına kömək edib, kreditin qalan hissəsi isə istehlakçıların həyat şəraitinin yaxşılaşdırılmasına yönəldilib. Kreditin çoxu Bakıdan kənarda fəaliyyət göstərən müəssisələr üçün ayrılıb və bu yolla Azərbaycanın regional iqtisadiyyatının inkişafına əhəmiyyətli töhfə verilib.
Bu yaxınlarda АссessBank Azərbaycan artıq üçüncü il ardıcıl olaraq, biznes və maliyyə üzrə aparıcı nəşr olan Euromoney tərəfindən Azərbaycanın ən yaxşı Bankı adına layiq görülüb. Euromoney, əsasən, güclü maliyyə mövqeyini və Bankın kredit portfelinin yüksək keyfiyyətini ön plana çəkir.
Hazırda AccessBank müxtəlif növ kreditlər, o cümlədən biznes, mikro, kiçik və istehlak kreditləri verir. Ətraflı məlumatı www.accessbank.az saytından əldə etmək olar.
АccessBank-ın missiyası, aşağı və orta gəlirli Azərbaycan ailələrinə, eləcə də mikro və kiçik sahibkarlara maliyyə xidmətləri göstərməkdən ibarətdir. АccessBank Fitch beynəlxalq reytinq agentliyi tərəfindən Azərbaycan bankları arasında ən etibarlı bank adına layiq görülüb (sabit proqnozla "BB+" səviyyəsində), həmçinin Global Finance (2011) və Euromoney Nəşriyyat Qrupu (2012, 2011, 2010) tərəfindən "Azərbaycanın ən yaxşı bankı" və The Banker nəşri tərəfindən isə "İlin bankı" adına layiq görülüb.
AccessBank 100% xarici kapitala malikdir və 6 beynəlxalq maliyyə institutuna məxsusdur. Bunlar Avropa Yenidənqurma və İnkişaf Bankı, Beynəlxalq Maliyyə Korporasiyası, Qara Dəniz Ticarət və İnkişaf Bankı, KfW Development Bank - Almaniya Hökumətinin İnkişaf Bankı (hərəsi 20%), mikromaliyyələşdirmə sahəsində strateji maliyyəçi rolunda çıxış edən AccessHolding (16.5%) və Almaniyanın LFS Financial Systems GmbH (3.5%) şirkətləridir. --15D--