Bakı sərgi mövsümü aprelin 2-də açılır

2015-ci ildə Iteca Caspian şirkəti 19 ixtisaslaşdırılmış sərgi və 2 konfransın təşkilini planlaşdırır. Sərgi mövsümünü Azərbaycan Beynəlxalq Turizm və Səyahətlər (“AITF 2015”), Mehmanxana, Restoran və Supermarketlər üçün avadanlıq və ləvazimatlar” (“HOREX Caucasus 2015”), habelə Kater və Yaxtalar (“CİBS 2015”) sərgiləri açır.

Bundan sonra TransCaspian və Road&Traffic (12-14 may) nəqliyyat sərgisi keçiriləcək.

 «Kəd təsərrüfatı ili»ndə Azərbaycan Beynəlxalq Qida Sənayesi (“WorldFood Azerbaijan 2015”) sərgisinə və Azərbaycan Beynəlxalq Kənd Təsərrüfatı (“Caspian Agro 2015”) sərgisinə marağın artması müşahidə olunurOnlar 21-23 mayda keçiriləcək. Bu sərgilərdə 250-dən artıq şirkətin iştirakı planlaşdırılır.

Həmçinin ənənəvi neft-qaz, səhiyyə, təhsil, ekologiya, telekommunikasiya vəs . sərgiləri olacaq.

Bu il sərgi ziyarətçiləri üçün ən böyük yenilik “ziyarətçi plastik kartı” olacaq. Bu kartın sahibləri qeydiyyatdan keçmədən (turniket quraşdırılmış ayrıca girişdən keçməklə) sərgi salonuna sərbəst daxil ola biləcəklər. 2014-cü ildə ziyarətçilərin 30%-dən çoxu “Fast Track” xidmətinə üstünlük verib. Tezliklə “Android” və “iOS” platformalı mobil telefonlara müvafiq proqramları yükləməklə, elektron qaydada qeydiyyatdan keçmək mümkün olacaq. 08D