Bakıda VII Azərbaycan Beynəlxalq Sığorta Forumu keçirilir

Bakıda VII Azərbaycan Beynəlxalq Sığorta Forumu başlayıb.

Tədbirdə çıxış edən Maliyyə Bazarlarına Nəzarət Palatasının Direktorlar Şurasının sədri Rüfət Aslanlı bildirib ki, Azərbaycanın sığorta bazarında yerli və əcnəbi sərmayədarlar üçün hər cür şərait yaradılıb. O qeyd edib ki, son 6-7 ildə sığorta haqları 3 dəfə, sığorta ödənişləri 2 dəfə artıb. Amma bunun səbələri açıqlanmayıb  – əsas yığım və ödənişlər (70%) ilk beşlikdəki sığortaçılar arasında bölünüb. Qalan 22 şirkət azad iqtisadiyyat olmadığı üçün korporativ müqavilələr bağlaya bilmir.

Məmurun sözlərinə görə, sığorta sektoru əhalini də çox narahat edir, sığorta bazarı isə neftin ucuzlaşması, manatın devalvasiyası şəraitində yeni vəziyyətə adaptasiya olunur. «Risk transferi, sığorta və təkrarsığorta münasibətlərinin tənzimlənməsi, daha səmərəli modellər üzərində işləyirik. İstehlakçıların hüquqlarının müdafiəsi və maraqların balanslaşdırılması fəaliyyətimizin vacib istiqamətlərindəndir. Sığorta çeşidlərinin genişləndirilməsi, icbari və könüllü sığortanın əhatəsi ilə bağlı müzakiərələr aparırıq», - deyə o bildirib.

Həmçinin qeyd edib ki, sığorta sahəsində hüquqi tənzimləmə, sağlam rəqabət və dempinqlə mübarizə sahəsində müsbət irəliləyişlər var. --17D—