Bakının mərkəzində qanunsuz tikili

Aprelin 21-də  Əmlak Məsələləri Dövlət Komitəsinin Bakının Səbayel rayonunda keçirdiyi reyd zamanı dövlət mülkiyyətində olan 23 ha torpaqda heç bir sənədi olmayan qanunsuz tikilinin inşa edilməsi faktı aşkarlanıb. 

ƏMDK mətbuat xidməti bildirib ki, Abşeron və Xəzər rayonlarında monitorinqlər keçirilib. Məlum olub ki, müxtəlif şəxslər tərəfindən kənd təsərrüfatı təyinatlı torpaq sahələrində qeyri-yaşayış və müxtəlif məqsədli ilkin tikinti işləri aparılıb

Abşeron rayonunda Novxanı və Mehdiabad qəsəbələrində vətəndaşların mülkiyyətinə verilmiş pay (əkin) torpaqlarında təyinatına zidd olaraq obyektlərin inşasının qarşısı alınıb.

Qeydə alınan pozuntu halları ilə əlaqədar tədbirlər görülüb, cərimələr və sanksiyalar barədə inzibati protokol və aktlar tərtib edilib.

Bu ilin əvvəlindən ƏMDK ölkədə 480-dən çox qanunvericiliyin tələblərinin pozulması halı aşkar edib. Qoyulan cərimənin ümumi məbləği açıqlanmır.

İnzibati Xətalar Məcəlləsinə edilmiş dəyişikliyə əsasən torpaq qanunvericiliyinin pozulmasına görə, 8-10 min manat cərimə və ya azadlıqdan məhrumetmə cəzası nəzərdə tutulur.08D