Balıq idxalı 22,5% azalıb
Bu ilin I yarısında Azərbaycana 3 447,5 ton balıq idxal edilib. Bu, 2014-cü ilin eyni dövründəkindən 1000 ton və ya 22,5% azdır, deyə Dövlətstatkomda Turan-a bildiriblər.
Bəyan edilən idxal həcmi $2 mln 811,5 min olub. Bu, 2014-cü ilin eyni dövründəkindən $388,7 min azdır. Gömrükdə 1 kq balıq $0,815-a bəyan edilir. Ötən ilin eyni dövründə bu göstərici 0,719$/kq olub.
İdxal edilən balığın uyğunluq sertifikatının reyestrini Standartlaşdırma, Metrologiya və Patent üzrə Dövlət Komitəsi aparır. Amma bu reyestrdə “McDonalds Azerbaijan” MMC-nin fast-food şəbəkəsinin Polşadan balıq idxalı barədə informasiya var.
Azərbaycanda balıq idxalının inhisarçı subyekti “Caspian Fish co. Azerbaijan” MMC-dir (“AzGroup” şirkətlər qrupuna daxildir). Gömrük Komitəsinin məlumatına görə, balıq idxalı RF, İslandiya, Çili, Türkiyə və Norveçdən həyata keçirilir. Qeyd edilən dövrdə balıq məhsulları və konserv idxalı həcmi sabit qalıb. Xaricdə $2 mln 266 min məbləğində (+3,2%) 1893 ton (-0,6%) hazır dəniz məhsulu alınıb. Balıq konservlərinin idxalçısı “Sərhəng-G”» və “Veysəloğlu” şirkətləridir.
Dövlət Statistika Komitəsinin məlumatına görə, 2014-cü ildə Azərbaycanın balıq və balıq məhsullarının idxalından asılılığı 27,2% təşkil edib. Bu, 2014-cü ildə olduğundan iki bənd aşağıdır. DSK-nin məlumatına görə, 2014-cü ildə ərzaq kimi 67 828 ton balıq istifadə edilib. Bu, 2013-cü ildəkindən 2,6% azdır. Idxalın payına 18 748 ton balıq düşüb. İdxal 7,1% azalıb. Maraqlıdır ki, DSK yalnız 16 930 ton balıq, dəniz məhsulu və emal məhsulları barədə məlumat verir. Gömrüyün 1818 ton “çatışmazlığ”ını Kənd Təsərrüfatı Nazirliyi yanında Dövlət Baytarlıq Xidməti müəyyən edib. Söhbət 5 mln dollardan az olmayan gömrük rüsumlarından gedir.
2014-cü ildə qeyri-ərzaq mallarının istehsalı üçün 854 ton balıqdan istifadə edilib. Balıq məhsulları ixrac edilməyib. 2007-ci ildə Azərbaycan xaricə 900 ton balıq emalı məhsulları ixrac edilmişdi. Azərbaycanda balıq və balıq məhsullarının illik istehlak norması adambaşına 7,7 kq təşkil edir. Bu hesablamaya görə, Azərbaycanda bir ildə 73 ton balıq və balıq məhsulu istehlak edilməlidir. 08B
-
- Cəmiyyət
- 29 Avqust 2015 15:50
-
- İqtisadiyyat
- 29 Avqust 2015 15:56
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz