Bank əmanətləri üzrə dərəcənin azaldılması maliyyə risklərini azaltmayacaq

Bu gündən əhalinin sığortalanan əmanətləri üzrə dərəcə 1% azaldılaraq 9% təşkil edir. Əmanətlərin Sığortalanması Fondunun qərarını İqtisadi və Sosial İnkişaf Mərkəzinin rəhbəri Vüqar Bayramov Turan-a şərh edib.

Onun sözlərinə görə, bu, son 2 ildə (ötən ilin avqustunda 12-dən 10%-ə endirilib) ikinci azalmadır. Halbuki kreditlərin dərəcəsi yüksək olaraq qalır. AMB bank kreditlərinin dərəcəsini azaltmadığı təqdirdə borcalanların hüququ pozulmaqda davam edəcək.

Həmçinin kommersiya bankları ADIF-in şərtlərini pozaraq, əhaliyə təklif edir ki, vəsaitləri 12% və yüksək faizlə yerləşdirsin. AMB-nin müvafiq tövsiyələri özəl maliyyə strukturları iflasa uğrasa, minlərlə əamnətin riskinin qarşısını alardı, deyə iqtisadçı düşünür. Təəssüf ki, nə Fond, nə də AMB qərara etina etmir. Halbuki «mənfəətli» əmanətlər qanuna zidd olaraq reklam edilir.

Bundan əlavə, Fond sığortalanan əmanətlərin üst həddini 30 min manatdan yüksəyə qaldırmalıdır. 2008-ci ilədəki Polşada 22,5 min avro sığortalanırdı, 2009-cu ildə bu göstərici 100 min avroya yüksəldildi. ADIF-in məhdudiyyəti rezident və qeyri-rezidentləri məcbur edir ki, bir neçə hesab açsın, bu da hüquq pozuntusudur, deyə iqtisadçı bildirir. Əmanətlərin Sığortalanması Fondunun üzvü 42 bankdır. --17D—