«Bank Standard» QSC-nin ləğvetmə planına dair iclas keçirilib.
Turan-ın məlumatına görə, iclasda Maliyyə Bazarlarına Nəzarət Palatasının (Palata) Direktorlar Şurasının üzvləri, Əmanətlərin Sığortalanması Fondunun, “BM Morrison” hüquq şirkəti və KPMG beynəlxalq audit şirkətinin rəhbərləri iştirak edib.
Palatanın Direktorlar Şurasının sədri Rüfət Aslanlı bildirib ki, “Bank Standard”ın qorunan əmanətləri üzrə kompensasiyaların 90%-dən çoxu ödənilib.
Bankdakı qorunmayan əmanətlər və digər kreditorların vəsaitləri üzrə kompensasiyalar isə “Bank Standard”-ın likvid aktivlərinin realizasiyasından sonar qanunvericiliyə uyğun növbəlik prinsipi ilə ödəniləcək.
Onun sözlərinə görə, kreditorların maraqlarını və şəffaflığı təmin etmək məqsədilə ləğvetmə prosesində kreditorların iştirakı təmin olunacaq.
İclasda hazırda aparılan kreditor tələblərinin qeydiyyatının12 dekabr 2016-cı il tarixində bitməsinin nəzərdə tutulduğu bildirilib. Belə ki, qeydə alınmış tələblər yoxlanılıb, kreditorların reyestrinin təsdiq edilməsi üçün məhkəməyə təqdim ediləcək.
«Bank Standard» QSC-nin lisenziyasının ləğv edilməsi barədə qərar 1 oktyabrda qəbul edilib. “Bank Standart”da əhalinin əmanətləri 603 mln manatdır. Bunun 460 mln manatı üzrə kompensasiya veriləcək. 21 noyabra kimi əmanətçilərə 420 mln 272 min manat kompensasiya verilib. 71D
İqtisadiyyat
-
Elon Mask, ABŞ Dövlət İdarəetməsinin Effektivliyi Departamentinin (DOGE) həmsədri olaraq, 2026-cı ilə qədər federal xərclərin aqressiv şəkildə azaldılması yolu ilə ABŞ-da inflyasiyanı sıfıra endirmək üçün strategiya irəli sürüb. Maskı planı, proqnozlaşdırılan gündəlik xərcləri təxminən 4 milyard dollar azaltmağı hədəfləyir və 2026-cı ilə qədər federal büdcə kəsirini 1 trilyon dollara qədər endirməyi nəzərdə tutur. Kəsir hələ də böyük olsa da, Musk hesab edir ki, sürətləndirilmiş iqtisadi artım inflyasiya təzyiqlərini kompensasiya edərək iqtisadiyyatı sabitləşdirə bilər.
-
Azərbaycan Dövlət Neft Şirkəti (SOCAR) Aralıq dənizinin ən iri dəniz yataqlarından biri olan Tamar qaz yatağında 10% pay əldə etmək üçün Union Energy ilə müqavilə imzalayıb, şirkət çərşənbə günü bəyanatında bildirib.
-
Yanvarın 30-da Azərbaycan Prezidenti İlham Əliyev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramını” təsdiqləyən sərəncam imzalayıb. Bu proqram paytaxtın nəqliyyat sistemini modernləşdirməyi və tıxacları azaltmağı hədəfləyir, prezidentin mətbuat xidməti çərşənbə axşamı bildirib.
-
Goldman Sachs neft qiymətləri ilə bağlı proqnozlarını yenidən nəzərdən keçirib və 2025 və 2026-cı illər üçün Brent və Azeri Light markalı neftin qiymət proqnozlarını hər barel üçün 2 dollar artıraraq 78 dollar səviyyəsinə çatdırıb. Bu düzəliş, ABŞ sanksiyalarının Rusiyanın neft hasilatına təsiri və İran neft ixracına qarşı mümkün gələcək məhdudiyyətlər daxil olmaqla, geosiyasi risklərdən qaynaqlanan daha sərt təchizat şərtləri gözləntilərini əks etdirir.
Rəy yaz